موقع روايات سودانية يقدم رواية جديدة حبيبي_الاسمراني

0
رواية سودانية ، افضل رواية سودانية ، رويات سودانية


موقع رويات سودانية يقدم لكم 
رواية حبيبي_الاسمراني
بقلم مجهولة 

يمكنك تحميل الرواية pdf عبر الضغط 

عدد الحلقات 25 
الرواية مكتملة 

حبيبي_الاسمراني


اسمي امونه (امنه) ( مسمني علي حبوبتي ام امي ) اتولدتا واتربيت في الخرطوم الرياض .. كنا اتنين ل امي وابوي انا ويامن اخوي .. كان قريب لي شديد وصحبي وفردتي ومن قمنا ما حصل اتفارقنا ولا حصل اتزاعلنا .. كنتا بحب الحياه بس لانو يامن فيها 💜 كنتا زوله مرحه وفرفوشه وروحي حلوه لحدي ما فقدتا يامن اخوي وفقدتا كل حاجه بعدو.. يامن كان اكبر مني ب سنتين .. كنا بنمشي المدرسه سوا وبنجي سوا ولو حصصو انتهت قبلي بنتظرني لحدي ما اخلص بس مستحيل يفوتني .. حياتنا كانت حلوه ورغم انو كان اكبر مني بس كان مدلعني شديد وحتي اللعب بلعب معاي كنتا متعلقه بيهو شديد 😂😂 ما اتصورتا ابدا في يوم اني ممكن افقدو وما اشوفو تاني .. قبل 6 سنه واحنا طالعين من المدرسه يامن مات ضربتو عربيه طيرتو بعييد وملت الشارع بي دمو وده كلو حصل قدااام عيني ... وقتها عمري كان 12 سنة ويامن كان عمرو 14 💔 ما قدرتا اتحمل حقيقة موتو ابدا ودخلتا ف حالة نفسيه بسبب الحاجه دي وما عرفتا اطلع منها الا لما امي حملت تاني وجابت يوسف 💜 .. اسرتنا بقت صغيره وبسيطه مكونه من امي + وابوي + واخوي الصغير يوسف .. انا حاليا عمري 18 سنة ويويو (يوسف) عمرو 5 سنوات .. ما عندي خالات امي وحده لامها وابوها وعماتي اتنين وحده اكبر من ابوي اسمها ساميه متزوجه ومستقره ف قطر والتانيه عايشه ف السودان اسمها سميه عمرها  زي 32 سنه كده .. عمي واحد وصغير اسمو سامي 26 سنه ..
في يوم واحنا قاعدين بنفطر امي لاحظت ليوسف متضايق وما قادر يتنفس جرت عليهو وبقت تدعك ليهو في صدرو وتسأل فيهو حاسي بشنو يا يويو قال ليها انو عندو الم حاد في صدرو وبجيهو ضيق واعراض تانيه قعد يحكيها ليها امي خافت واتصلت لابوي جا ووديناهو الدكتور قال لينا الطفل ده عندو انسداد في الشرايين واكبر سبب وزنو الزائد والزياده في نسبة الكولسترول  واكلو الكتير للدهون وفعلا ( يوسف ما شاءالله صحتو كويسه ويمكن ما مناسبه لعمرو.. )  الدكتور قال لينا لازم تسافرو بيه ويعمل عمليه ف الهند ف اسرع وقت .... امي انهارت وبقت تبكي وكيف انو يوسف صغير وما قدر العمليه وكيف يجيهو مرض زي ده هو لسه صغير وانا ابكي معاها .. الدكتور قال لينا ده قضاء ربنا وقدرو وما عندنا اعتراض والولد هسي كويس بس ما اضمن ليكم بعد كده عشان كده اسرعو وسافرو بيهو .. ابوي قال ليهو ان شاء الله بسافر بيهو لنهايه الاسبوع ده وربنا يكتب ليهو الشفا .. امي وابووي جهزو امورهم واوراقهم وكانو حيسافرو ب يوسف ويخلوني مع حبوبه بس انا رفضتا رفض تااام وقعدتاا ابكي واتعولق وانو لازم امشي معاهم وما بخلي يوسف براهو وقدر ما حاولو يقنعوني وانو دي رحلة علاج واحنا ما ماشين نتنزه ويمكن نطول وما عارفه شنو ابيت لازم يعني لازم اسافر معاهم لازم ارافق يوسف واكون معاهو ( ما عارفه كنتا خايفه ما اشوفو تاني لانو دايماً بفكر انو الزول لو عيان وسافرو بيهو تاني ما برجع وكمان خفتا افقدو زي ما فقدتا يامن 😭😭💔 ) يوسف زاتو لما شافني ببكي قعد يبكي وقال لابوي انو ما عايز يمشي بدوني لانو هو كمام متعلق بي شديد زي ما انا متعلقه بيهو وفي النهاية نحنا ما عندنا غير بعض ❤ بعد اصرار والحاح مني ومن يوسف ابوي وافق يسوقني معاهم وجهزو لي اوراقي وسافرنا الهند ....
وابوي اجر لينا شقه ف دلهي وطبعا من سافرنا ما اخدنا راحتنا ابدا من دكتور لدكتور ومن مستشفي لمستشفي لحدي ما وصفو لينا دكتور ف مستشفي اسمو ( فورتيز ) في دلهي مشينا قابلناهو وقرر عمليه ل يوسف بعد يومين ...
تاني يوم اتعملت العمليه ليوسف والحمد لله نجحت 💜💜 بس الدكتور منعنا نشوفو وبعد العمليه مباشرة نقلوهو غرفة العنايه المشددة قعد فيها تلاته ايام ... بعدها طلعوه من العنايه المشدده دخلوه غرفه العلاج وبقينا نشوفو .. تم 5 ايام في غرفة العلاج بعدها الدكتور قال لينا انو بنقدر نطلع بيه البيت لانو صحتو بقت احسن الحمد لله .. مشينا بيهو البيت وقضينا شهر ف الهند وبعدها قررنا نرجع السودان لانو يوسف شبه اتعافي خلاص وما عندو مقابلات تاني ... واحنا بنجهز في امورنا عشان نرجع السودان عمتي اتصلت لابوووي واصرت عليهو انو لازم ننزل عندها في قطر ونقضي فتره معاها وعشان يوسف كمان محتاج لفترة نقاهة وتغيير جو وكده .. ابوي قال ليها انو ما حيقدر يطول حينزل معانا يومين ليها وبعدها حيرجع السودان لانو عندو شغل مهم بس حيخلينا معاهم شهر وبعدها نلحقو .. عمتي وافقت ... ومن الهند ع طول مشينا قطر استقبلتنا عمتي وزوجها واولادا استقبال رهيييب واهتمت بينا شديد وكانت مبسوطه جدا ب جيتنا ..  عمتي ما عندها بنات عندها 3 اولاد واحد عمر 28 اسمو مرتضي وواحد عمرو 25 اسمو مجتبي واخر واحد اسمو مهتدي عمرو 20 سنة ..
علاقتي ب اولاد عمتي حلوه شديد رغم انو ما بلاقيهم كتيير بس متواصله معاهم ع طول ...
اول ما وصلنا طبعا استقبلونا بالاحضان وضيفونا واخدونا ونسه وضحك وبعدها ختو لينا العشا بس رفضنا ناكل لانننا كلنا ماكلين ف الطياره ومليانين شديد ف ما قدرنا ...

عمتي قالت لينا خلاص خشو ارتاحو لانكم جاايين من سفر وتعبانين وكده ... امي وابوي دخلو نامو ويوسف مشي ينوم مع مهتدي وانا دخلتا غرفتي لقيت عمتي مجهزاها لي رقدت زي نص ساعه كده و فجأة احس ليك بالسرير بيترفع بي 😳..

#يتبع


 #حبيبي_الاسمراني2


قمتا مخلوعه وعايزه اصرخ بس راسي لفا من رفعة السرير وخوفه ساي حيلي مات وطوالي هبطتا 😂😂😂😂😂 بعد شويه احس ليك السرير نزل بي بقيت اقول بسم الله بسم الله بسم الله تاني النور نور عاينت كده لقيت ليك مهتدي ويوسف ومجتبي واقفين قدام الباب واي واحد خاتي يدو في خشمو وبضحك 😂😂😂😂😂 عرفتهم هو العملو المقلب البايخ ده فيني جيت عليهم وعايزه اشاكلهم مهتدي قفل لي خشمي قال لي اسكتي حتفضحينا نحنا اسفيين ياخ بس قلنا نهظر معاك شويه ... قلتا ليهم هظار ما بالطريقه دي وطوالي عملتا فيها زعلانه 😏 جو قعدو يعتزرو لي ويحنسو فيني بس ما رضييت قالو لي خلاص بكره حنعزمك ونغير ليك يومك وحنعزززك 🌚 قلتا ليهو لوو كده خلاص ما زعلانه بس تاني اوعكم تكرروها .. قالو لي حااااضضضر 🌚 فضلنا نتونس ونعيد في ايام زمان وزكرياتنا الحلوه فجأة في نص الونسه جابو سيره يامن .... انا من غير م احس دمعتي نزلت وبقيت ابكي وابكي قدر ما حاولو يسكتوني ما قدرو ... بعد شويه باب غرفتي دق انا مسحتا دموعي وسكتا يوسف فتح الباب لقاهو ده مرتضي قال لينا خير مالكم صاحيين ل هسي سامع صوتكم بره ؟! عاين لي وقال لي وانتي مالك بتبكي عملو ليك شنو الجماعه ديل وريني ؟ ما رديت عليهو مهتدي قال ليهو كنا بنتونس وجبنا سيرة يامن الله يرحمو 💔 مرتضي قعد جنبي وقال لي الله يرحمو وكلنا ماشين منها بعدين ما تبكي البكا بعذب الميت وكمان انتي ويامن حتتلاقو في جنات الفردوس ان شاءالله 💜 كلامو ريحني شديد قلتا ليهو ان شاءالله ❤ تاني يوم ابوي سافر وديناهو المطار وجينا راجعين البيت قلتا لمهتدي يلا مش قلتو حتعزموني وحتفسحوني والليله يومي 💜🌚
قال لي حاااضضضر دقيقه اكلم الشباب يجهزو ونطلع قلتا ليهو تمام .. بعد شويه جوني كلهم قاشرين ومتشيكين قالو لي ارح 😂😂😂😂 قلتا ليهم دقيقه اصحي يوسف اسوقو معانا ما بخلي القشرات دي تفوتو 🌚 مشيت صحيتو ولبستو وطلعناا ... واحنا نازلين من البيت لاقانا شاب عمر 28 كده ( كان حلبي وطويل ووسيم ) قال لينا السلام عليكم ردينا السلام مرتضي قال لي ده ربيع جارنا وصحبي وسوداني ساكن هنااا برضو ومستقر .. قلتا ليهو اتشرفت وعايزه امد يدي اسلم عليهو خت يدو ناحيه صدرو وقال لي الشرف لي واااااااييي طلع ما بصافحح... يا دي الفضيحه يا دي العار 😂😂😂😂😂 بعد مشي قلتا ل مرتضي ليه م قلتا لي انو م بصافح ؟ قال لي من علامة الصلاه المرسومه في جبهتو دي كان تعرفي براك انو ما بصافح 😂😂😂 وبعدين يدك دي لميها وخلي الخفه 😂 غايتو متاااااااا من الاحراج ومهتدي ومجتبي الكلاب يضحكو فيني قدرتهم 😂😂😂😂 مشينا مطعم كده اتغدينا وطلعنا اتفسحنا ولفينا وجينا راجعين البيت المسااا ....
تاني يوم جاتني البيريود عاد كيف ما تجيني من اللف اللفيتو امس ههههههههههه بس المشكله ما كنتا عامله حسابي نسيت انو الاولويز بتاعي انتهي مشيت لامي قالت برضو ما عندها قالت لي لو في واحد من الاولاد كان رسلتو ليك الصيدليه بس مافي زول الا تنتظريهم يجو.. قلتا ليها امي الله يديك العافيه بس كيف يعني ترسلي واحد من الاولاد عشان يجيب لي اولويز ؟ ح انزل براي وما تخافي ما بروح بمشي الصيدليه التحت لينا دي قالت لي تمام معاك قروش ؟ قلتا ليها معاي .. لبست ونزلت الصيدليه وطبعا انا خجوله شديد في الحاجات دي بس لقيت بت الحمد لله😂😂 قلتا ليها عايزه فوط صحيه نزلتهم ولفتهم لي في كيس عايزه تديني ليهم جا راجل داخل قال السلام عليكم عاينت لقيتو ده ربيع الولد الما بصافح الكان لاقيناهو متذكرنو ؟😂😂😂 طوالي سحبتا يدي البت بقت ماده لي الفوط وانا خجلانه اشيلهم قدامو ..مع انهم ملفوفات ف كيس بس خفتا يلاحظ ليهم .. بقي يعاين لي وانا اعاين ليهو مرتبكه ومتوتره .. بعد مسافه جا قريب وسألا من حبوب كده ما ركزتا معاهو واستغليت الفرصه وعلي طول شلت الاولويز وجرريت البيت جري وانا قلبي بدق بسرررعه 😂😂😂 وصلتا البيت  دخلتا استحميت وغيرتا وطلعتا الاولويز بتاعي عايزه اغير الباب دق طلعتا من الحمام وشلتا الاولويز ختيتو في السرير وفتحتا الباب لقيتو  ده مجتبي قلتا ليهو خييير ي باش عايز شنو ؟ قال لي كدي زحي خليني ادخل لانو ما ممكن اقول ليك انا عايز شنو من الباب الموضوع طويل ومعقد .. قلتا ليهو طيب ادخل .. دخل وقعد في السرير ( وانا نسيت الاولويز طبعا ) قال لي والله كنتا عايزك في استشاره عاطفيه كده 😂 قلتا ليهو سامعااااك عاين كده شاف الاولويز قام شالو وقال لي ده شنو ده انتي ؟ ارتبكتا وقلبي وقع في رجليني خطفتو منو بسرعه وقلتا ليهو دي مناديل طبيه ؟ قال لي مناديل طبيه ؟ اول مره اسمع بيها 😂😂قلتا ليهة بقلبي انا زاتي اول مره اسمع بيها😂😂 قلتا ليهو ما تركز اها موضوعك شنو ؟ قال لي والله  بحب لي وحده وميت فيها وما عارف اجيبا ليها كيف وهي احيانا بحس انها بتحبني بس ما متأكد والمحيرني اكتر مرات بلقاها لابسه دبله في يدها ومرات لا .. قلتا ليهو يمكن مخطوبه ؟ قال لي ما عارف.. قلتا ليهو طيب صارحا .. قال لي ولو طلعت مخطوبه ؟ قلتا ليهو انا بتحمل المسوؤليه 😂😂 قال لي تمام تلفونو اتصل قال لي يلا لبعدين عندي جماعه عايز الاقيهم قلتا ليهو ظابط 😂

بعد يومين من الكلام ده ربيع جانا في البيت وكان قاعد مع مرتضي في الصاله انا من شفتو قلبي عمل شششحححح 😌 قلتا السلام عليكم ودخلتا غرفتي وهم دخلو غرفة مرتضي .. بعد شويه مرتضي جا دق باب غرفتي وقال لي البسي عبايتك وتعالي غرفتي .. قلتا ليهو في شنو ؟ قال لي ما تخافي تعالي بسس !.....

#يتبع


اضغط علي التالي لتشاهد الحلقة التالية 

#حبيبي_الاسمراني3


لبستا عبايتي وختيت طرحة في راسي ومشيت ورا مرتضي .. دخلتا معاهو غرفتو وانا ماسكه قلبي في يدي ومتوتره وخايفه ما عارفه خايفه من شنو .. ربيع من شافني قال لي السلام عليكم .. قلتا ليهو وعليكم السلام .  مرتضي قال لي اقعدي .. فضلتا واقفه وبفرك في يديني ومتوتره قال لي اقعدي وما تتوتري ... قعدتااا ربيع قاال لي بصراحه ما عارفه ابدا من وين ولا اقول شنو ولا عارف انتي ردة فعلك حتكون شنو او حتردي بشنو بس انا جيت وطالب يدك ب حلال الله وسنه رسوله انا قلبي بقي يدق زي الطااحوونه وقرب يغمي علي لانو عمري ما عشتا الشعور ده .. مرتضي قال لي عارفك متوتره والموضوع جا فجأة بس ما تخافي انا ما كلمتا زول من ناس البيت وقلتا اكلمك اول واشوف رايك وبالجد ربيع زول ما شاء الله عليهو خلقه واخلاق وما حتلقي زيوو ولو وافقتي خير وبركه ولو ما وافقتي ما مشكله كلو لخير وربنا يقسم ليك ويقسم ليهو الاحسن ... لساني اتلجم وغلبني الكلام طلعتا منهم برااااحه من غير م انطق بكلمه ... مرتضي قال لربيع خليها تفكر وبشوف قرارها شنو وبديك خبر قال ليهو تمام .. انا دخلتا غرفتي وقفلتها علي وبقيت خاته يدي في قلبي ولسه متوتره 😢💔 ياخي شعور عفن عديييييييل .. بعد شويه قعدتا مع نفسي وقلتا ياربي اوافق ولا ما اوافق ؟ احساس بقول لي وافقي واحساس بقول لي لا ..  يمكن عشان ما بعرفو كويس احساسي بقول لي  لا بس مرتضي واهلو بيعرفو كويس معناها عارفين اخلاقو وتربيتو انا ح اتوكل واوافق ... قطع علي تفكيري صوت باب الغرفه وهو بدق مشيت فتحتو لقيتو ده مرتضي قال لي شايفك اتوترتي شديد بس لو ما عايزاهو ما مشكله انسي الموضوع اتفقنا ؟؟ قلتا ليهو خليني افكر بس لحدي الزمن داك ما تكلم زول من البيت ! قال لي حاااااضررر...
اخدت 4 ايام بفكر وبفكر في النهايه وافقت ومشيت كلمتا مرتضي فرح شديد وقال لي ح اكلم ربيع وامشي اكلم ناس البيت وح اتصل لابوك واكلمو انو في زول اتقدم ليك قلتا ليهو تمام .. مرتضي طلع بره زي ربع ساعه كده امي وعمتي جوني داخلين جوه .. امي قالت لي كده برضو انا امك الجبتك من بطني ما توريني انو جاك عريس ؟ قلتا ليها لو وريتك م كنتي حتخليني اخد قرراري براي وكنتي حتضغطي علي عشان اعرس وتشوفي اولادي وكلامك داك عشان كده سكتا قلتا افكر واوريكم 🌚 قالت لي خير ما فعلتي وربنا يتتمم ليك علي خير مرتضي شكر لي الولد وانا شفتو وما شاءالله ما فيهو كلمه .. عمتي قالت لي بالغتي لكن تسكتي بالموضوع ده كده براك وبعدين انا كنتا دايراك لواحد من اولادي انتي عارفه ما عندي بنات .. قلتا ليها معليش يا عمتي بس دي القسمه وما عندنا يد فيها وبعدين اولادك ديل اخواني ياخ ❤ قالت لي ع العموم برضو كويس لانك حتسكني جنبي وحتكوني قريبه مني ❤ امي طلعت بره وجات قالت لي هاك ده ابوك رديت ليهو قال لي سمعتا جاك عريس يا بت عباس 🌚❤ قلتا ليهو اي والله يا عباس 😂😂😂😂😂  ( طبعا انا وابوي فرد شديد ابوي ده حبيبي ياخ وعادي بنتكلم كده )😂 قال لي وقالو لي وافقتي كمان .. قلتا ليهو والله يا ابوي ما فيهو عيب قال لي طيب والجامعه ؟ قلتا ليهو بقراااهاا ما تخاف انا ما عندي شي اهم من قرايتي 🌚 قال لي مرتضي وابوهو اتكلمو معاي وما شاء الله الولد قالو ما فيهو كلمة وود ناس وخلوق .. قلتا ليهو فعلاً ❤ قال لي خلاص الفيهو خير ربنا يقدمو ♥
قال لي الولد اهلو كلهم هناك وبما انو اتقدم واديناهو ف احسن بعد ده تنزلو السودان .. عشان تجهزي امورك ونعمل العرس هنا وانا  كلمتا امك .. قلتا ليهو تمام .. ف نفس اليوم المسا ربيع جا وجاب اهلو واتقدمو ومبدئيا كده اديناهم الموافقه💜 مرتضي كلم ربيع انو لازم ينزل السودان عشان يقابل ابوي هناك ويتمو العرس بالمره لو ربنا سهل ربيع قال ليهو خييير ❤
بعد اسبوع نحنا نزلنا السودان وربيع واهلو نزلو ورانا وجو لابوي وابوي ارتاح ليهو واداهو وحددو العرس بعد شهر ❤
ربيع واهلو اجرو شقه يقعدو فيها لحدي ما العرس يتم... ناس عمتي نزلو قبل العرس ب اسبوع والعرس تم حضروهو وسافرو واهل ربيع كمان رجعو معاهم .. وانا وربيع سافرنا قبلهم ب يوم ربيع قال لي انو ماف طريقه نسافر شهر عسل وكده لانو عندو شغل قلتا ليهو ما مشكله ... نزلنا في فندق قلتا ليهو ليه ما نزلتنا في البيت ؟ قال لي نحنا عرسان كيف ننزل في البيت ؟ سكتااا ...
دخلنا غرفتنا كانت كبييره وواسعه وظريفه دخلت الحمام غيرتا ملابسي وجيت طالعه لقيتو فاتح اللابتوب بتاعو ومركز فيهو ما سألتو رقدتا شويه وصحيت لقيتو لسه مركز في اللابتوب وقاعد بملابسو الجا بيهم قلتا ليهو ما عايز تغير ؟ قال لي بعدين ....

#يتبع



 #حبيبي_الاسمراني4


قلتا اخليهو براحتو وجريت الغطا ونمتااااا صحيت الصباح قبلو لقيتو نايم وحاضن اللابتوب جريتو منو براااحهه ختيتو ف الكنبه وصلحتا ليهو مخدتو ودخلتا الحمام استحميت واتسوكتا وغيرتا ملابسي لبستا لي بجامه قصيره كده وطلعت بره سرحتا شعري واتعطرت وجيت برااحه جريت الغطا ورقدتا جنبو ... صحا زي الساعه 9 كده عاين لنفسو ولبسو ودخل الحمام طوالي استحم وطلع وطبعا انا عامله فيها نايمه ومراااقبه الاحداث 😂😂😂😂😂😂 بعد طلع من الحمام وقف عاين لي مساااافه وانا نايمه ما عارفه بس شكلو كان عايز يمد يدو علي فجأة جراها ومشي قعد في الكنبه وفتح اللابتوب ... انا بقيت مستغربه ده مالو ؟ وليه م صحاني ؟ قلتا هسي اواصل في الغيبوبه دي ولا اصحي ولا اعمل شنو ؟ تميت مسااافه كده تاني قمتا اتغمي وعملتا فيها نعسانه وقلتا ليهو صباح الخير ...! قال لي صباح النور وقفل اللابتوب ... جا قعد جنبي وقال لي شكلك صحيتي بدري ؟ قلتا ليهو ايوه قال لي طيب ح اطلب الفطور لاني جيعان شديد قلتا ليهو تمام 😌❤ الفطور جا وقعدنا نفطر انا ف البدايه خجلت لانو اول مره اكل مع زول غريب ... مد يدو وكان في فرخه قسما نصين ومسك النص التاني بيدو وهوووب نصو في خشمو وبقي ياكل وهو مدنقر ف الاكل وانا بصراحه قرفتا شديد من طريقه اكلو لانو بياكل وعادي الاكل بقع من خشمو ف الصحن 😪 ( اكيد اتخيلتو منظرو ) بعد هبط شويه وخلي الفرخه عضام عاين لي وقال لي مالك ما بتاكلي ؟ ما عرفتا اقول ليهو شنو .. سكتا قال لي اكلي .. قلتا ليهو انا ما باكل فراخ ... قال لي طيب اكلي السمك ده ؟ قلتا ليهو لالا ما بحبو .. قال لي حتقعدي جيعانه ؟ قلتا ليهو جيب لي حاجه تانيه قال لي حاجه زي شنو ؟ قلتا ليهو تونا او زبادي .. قال لي يعني بتاكلي التونا وما بتاكلي السمك ؟ سكتااا قام ضحك ضحكه قويه وهو بياكل لمن الاكل اتطاير من خشمو وانا اللحظه ديك خلاص بطني قلبت طوالي جريت الحمام ورجعتا ... ولا كلف نفسو يلحقني يشوفني مالي بعد طلعتا من الحمام لقيتو ما شاءالله نضف االصحون وما خلا حاجه وراهو ولا قدامو 🐸
استغربتا زاتي معقول في زوال بياكل الكميه دي كلها براهو ؟ بعد خلص اكل بقي يدخل اصبعو في خشمو ويقرقر في اسنانو ويطلع الاكل المتخزن وياكلو تاني .. انا هنا حرفياااااااا كده مصاريني زاتا اتقلبت جريت الحمام تاني واستفرغتا ياخ ما خليت حاجه في بطني ..  (غايتو سبحان الله صحي المظاهر خداعه يعني معقول زول يكون واضح للناس انو مهذب ورايق وهو ف البيت ما بعرف اداب الاكل اساسا ؟) طلعتا من الحمام لقيتو مافي بعد شويه كده جا وجاب لي معاهو زبادي وتونا .. غايتو لو ما كانو معلبات ولو ما جيعانه مستحيل اكل حاجه من يدو تاني 🐸 شلتهم وطفحتا ورجعتا نمتا مغصه ساي 😢💔 صحيت زي الساعه 3 كده لقيتو راقد في الكنبه وماسك اللابتوب وراقد بطريقه بايخه شديد مشنق رجلينو ورجل في الحيطه ورجل في الكنبه قلتا انا شكلي اتورطتا غايتو 🐸 حاولتا الطف الجو واتظارف قلتا ليهو بتعمل شنو في اللابتوب ؟ رد لي بعد مساافه وقال لي ببياخه شغل .. سكتااا ورجعتا سريري قلتا معقول في عريس بارد كده ؟ الراجل لي تلاته ايام معاهو ول هسي م حرك ساكن ووقتو كلو في اللابتوب ؟ يكون ما راجل يا ربي ؟؟ قلتا لالا ما باين عليهو كده بس انا برضو مقصره معاهو ما قاعده اقرب منو ولا قاعده اتشيك ليهو وكده ... بقيت يومي اتظبط واغير في ملابس نومي زي اشاره المرور وهو ولا كأنو شايف .. في مره كنتا نايمه جا رقد جنبي وبقي بمرر يدو في شعري بس عملتا فيها نايمه فجاة نزل لخدي وباسني وبقي يقرب مني انا خفتا وجسمي نزل مويه وجاتني رعشه طوالي فتحت عيوني بقي وشو في وشي قلتا ليهو ربيع لو سمحتا بعد انا ما جاهزه .. عايز يتكلم كده فجأة جاتو رساله في تلفونو قام مني فتح التلفون شاف الرساله وقفلو مشي فتح اللابتوب ... قلتا والله اللابتوب ده فيهو حاجه والا مافي عريس بطنش عروسو كده وانا ما بقدر اسألو بخجل عديل وحتي لو سألتو اقول ليهو شنو ؟ اقول ليهو ليه ما شغال بي وما مهتم ب عروسك ؟ قلتا ما بسألو لكن لازم اشوف اللابتوب ده فيهو شنو لمن بقعد فيهو كده ...
في يوم قال لي انا طالع عندي شغل ساعه كده وبجي راجع وبكره اعملي حسابك من الفندق حنمشي البيت .. قلتا ليهو تمام .... من طلع قلتا دي فرصتي وطوالي قفلتا باب الغرفه وفتحتا اللابتوب بتاعو ...

#يتبع



اضغط علي التالي لتشاهد الحلقة التالية 

 #حبيبي_الاسمراني5


فتحتا اللابتوب والحمد لله ما كان قافلو ب باسورد .. بقيت افتش ف الملفات بس ما لقيت حاجه عايزه اقفلو كده لقيت ملف تحت مكتوب عليهو ( My Films ) لاحظت اني نسيتو ما فتحتو .. طوالي فتحتو بس لقيت فيهو القرف العمري ما اتوقعتا انو يطلع من زول زي ربيع ... لقيت فيهو افلام اباحيه ليهو مع كم بت وكل مره مع بت جديده وبكل الاوضااع.... قلعتا عيوني اتصدمتتاا وااتخلعتا ختيت يدي في خشمي وبقيتي ابكي واتحسبن .. قفلت اللابتوب وحسيت بطمام فظيييع وقرف ع طول جريت الحمام واستفرغتا وجيت رقدتا في سريري وبقيت ابكي وابكي لمن صدعتا ... لما هو جا لقاني نايمه حاول يصحيني بس عملتا فيها تعبانه وم قادره اصحي .. مشي شال اللابتوب بتاعو وسمعتو بتكلم مع نفسو وبقول : انا اللابتوب ده ما خليتو هنا الجابو هنا شنو ؟ صحاني قال لي انتي هبشتي اللابتوب ده ؟ خفتا من سؤالو ولو عرف اني هبشتو ردة فعلو حتكون كيف ؟ قلبي بقي يدق بسرعه ورديت ليهو بصوت خافض قلتا ليهو لا ما هبشتو ... قال لي ب نهرة يعني هبشو شيطان وحركو من مكانو ؟ ما رديت ليهو جا قرب مني وقال لي دقيقه انتي الليله مالك ؟ سكتاااا قال لي انتي عيانه ؟ قلتا ليهو لا ... جا ختا يدو في جبهتي قال لي عندك حمي قومي اعملي ليك مكمدات ...( اتخيلو انا عيانه ومفروض اقوم اعمل لنفسي مكمدات ) غايتو سبحان الله ده بني ادم ده ؟ قلتا ليهو ما عايزه هسي الحمي حتخف .. قال لي براحتك ومشي فتح اللابتوب بتاعو وبقي يعاين ويبتسم وانا تحت الغطا ابكككي قدرتي قلتا مستحيل يكون انسان طبيعي اكيد مريض .. يعني معقول زول بصلي وبعرف الله ويبان للناس مهذب وود ناس ورايق يطلع منو القرف ده كلو ؟ انا اتخدعت بالجد وركبتا اكبر ماسوره في حياتي وغلطتاا غلكة عمري ولازم اصلح الغلطه دي 😭😭😭😭💔 ربيع قعد في اللابتوب قريب ال 3 ساعات .. بالليل زي الساعه 9 كده انا نايمه جا رقد جنبي وبقي يهبش فيني وانا قرفانه منو وبطني طامه زحيت منو شويه جا لصق فيني وهمس لي في اضاني قربي شويه انا مشتاق ليك ... قلتا ليهو ربيع انا تعبانه وعيانه خليها يوم تاني ... قال لي ما بقدر انتظر قام علي حيلو وبقي يقلع في هدومو انا نطتتا عيوني كبااار لما شفتو زي ما الله خلقووو .. غطيت عيوني جا قال لي خجلانه من شنو انا راجلك وانتي زاتك قومي طلعي ملابسك .. قلتا ليهو شنو ؟ قال لي لو ما قادره تطلعيهم انا بطلعهم ليك .. قرب علي وعايز يلمسني ضربتو كف قال لي انتي جنيتي ؟ انا راجلك ده شنو قلة الادب دي وكيف تضربيني كف انتي قايله نفسك منو ؟ قمتا من السرير جراني رماني فيهو وجا بفوق لي قلتا ليهو زح مني يا كلب يا حيوان .. قال لي انا كلب وحيوان ؟ طيب انا ح اوريك الحيوان ده حيعمل فيك شنو 😊 ثبتي في االسرير وبقي بحاول يطلع في ملابسي بس رفستو رميتو من السرير لحدي ما ضرب راسو ب حافه السرير وفقد وعيو .... شلتا الملايه اتلفيت بيها ونزلتا من الغرفه نزلت تحت بقيت اتلفت طلعتا من الفندق وانا خايفه وماشه في الشارع وببكي وبتلفت وما عارفه انا وين ولا ماشه وين اساسا 😭😭😭💔بقيت ماشه وماشه لحدي ما جا تاكسي وقف جنبي .. خفتا وجريت طوالي بس بتاع التاكسي بقي ماشي وراي وبحاول يوقفني وبقول لي ما تخافي اقيفي .. استسلمتا ووقفتا قال لي اركبي ح اوصلك الحته الانتي عايزاها بس ما تمشي ف الليل ده براك ف الشارع ... عاينتا ليهو بخوف ودموعي في عيني قلتا ليهو براحه ( انتا سوداني ؟؟! قال لي ب بسمه ايوه يا ستي انا سوداني وشكلك سودانيه وبما اننا اولاد بلد اركبي وانتي متطمنه .. ركبتا ورا وانا لسه ببكي لمن بشهق .. لفت علي المرايه عاين لي ومدا لي صندوق المناديل .. شلتهم منو وواصلتا بكا قال لي ممكن تبطلي بكا عشان اقدر اساعدك واعرف انتي ماشه وين ؟ قلتا ليهو ما عارفه ؟ وقف التاكسي وقال لي ما عارفه ؟؟؟؟؟؟؟؟؟؟؟ وانا هسي اوديك وين يعني ؟ قعدتا ابكي قال لي طيب عندك اهل هنا ؟ قلتا ليهو اي قال لي ساكنين وووين ؟ قلتا ليهو ما عارفه الحته بس قعدتا اوصف ليهو قال لي تمام عرفتا وصفك ... وصلني البيت نزلتا جري ع العماره ولا حتي قلتا ليهو شكرا ولا عفوا وهو بقي يعاين لي ومراقبني لحدي ما دخلتا العماره ..  وصلت بيت عمتي وبقيت ادق في الباب بقوه وانا منهاره ووببكي 😭😭😭💔 فتح لي مرتضي وقعتا فيهو وبقيت ابكي .. اتخلع ودخلني جوه قال لي مالك في شنو ؟

#يتبع





 #حبيبي_الاسمراني6


ما رديت عليهو ولسه مواصله بكا وبرجف قعدني ف الكنبه وبقي يسأل فيني ؟ ربيع فيهو حاجه ؟ عمل ليك حاجه ؟ ناس بيتكم حصل ليهم شي ؟ عمتي جات قالت لي سجمي دي انتي ومالك بتبكي الحاصل عليك شنو ؟ مشيت لعمتي حضنتني وبقيت ابكي قالت لي تعالي ... دخلتني غرفتا قالت لي ارقدي ارتاحي جا مرتضي داخل قال ليها دقيقه يا امي لازم نعرف الحاصل عليها شنو عشان نقدر نتصرف ... مرتضي قال لي في شنو احكي لي ومهما كانت مشكلتك انا ح احلها م تخافي .. قلتا ليهو ربيع ربيع وقعدتا ابكي 😭😭💔 قال لي ربيع مالو ؟ قلتا ليهو انا ما عايزاهو تاني ولو رجعتوني ليهو ح اقتل نفسي 😭😭😭💔 قال لي انتي جنيتي اوعك اسمعك تقولي كده تاني ولو ما عايزاهو خلاص ما حترجعي ليهو بس هو عمل ليك شنو ؟ خجلت وقرفت وما عرفتا اقول ليهو شنو زاتو ... عمتي قالت لمرتضي اطلع برره خليني معاها .. بعد طلع قالت لي في شنو ما تخافي وريني ربيع مالو معاك ... سكتاا ورفضتاا احكي ليها قلتا ليها ما عايزاهو بس ما عايزاهو وجريت الغطا .. طلعت مني واتصلت لابوي قبل ما يرد باب البيت دقاا مشست فتحتو لقتو ده ربيع وكان هايج ودمو فااير قال ليها بت اخوك جاتك مش؟ مرتضي جا طالع وقال ليهو اي جاتنا .. جا مسك ربيع من لياقتو وقال ليهو انتا عملتا ليها شنو يا زول البت جات منهاره وبتبكي لمن مخنوقه ... قال ليهو ما شغلك اختاني وسلمني مرتي .. مرتضي قال ليهو مادام اسلوبك بقي كده يا ربيع فما عندك مرا عندناا.... قال ليهو طيب امسكوها عندكم واعتبروها طلقانه وطلع من البيت .... طبعا ابوي سمع الكلام ده كلوووووووو لانو لما عمتي اتصلت ربيع جا داخل وتاني م اتكلمت وابوي كان في الخط ... ابوي قفل واتصل لمرتضي قال ليهو ما عايز اعرف الحاصل شنو ولا حصل كيف بس بكره ف اول طياره رسل لي بتي .. مرتضي قال ليهو روق يا خال والامور حتتحل .. ابوي قال ليهو مافي شي ح يتحل انا سمعتا المشكله كلها والافضل لينا وليهو انو بتنا ترجع لينا .. عمتي شالت التلفون من مرتضي وقالت لابوي انتا جنيت يا عباس ؟ بتك ما تمت شهر عايزا ترجع بيتك ؟ الناس يقولو شنو ؟ قال ليها ما بهموني الناس انا بتهمني راحه بتي يس ولو سمحتي يا ساميه ادي التلفون لامونه .. عمتي جاتني جوه ادتني التلفون قالت لي ابوك عايزك .. مسكتا التلفون وقعدتا ابكي زي الطفله ابوي قال لي يا بت قولي بسم الله الزول ده عمل ليك شنو لمن بتبكي كده ؟ قلتا ليهو انا بس ما عايزاهو تاني وما تسألوني ولا تجيبو لي سيرتو انا كرهتو .. ابوي عايز يتكلم كده لقيت امي بتتكلم معاي قالت لي في شنو لازم تورينا عمل ليك شنو ؟ قلتا ليها ما عارفه بس ما عايزه اعيش معاهو تاني وقفلتا الخط .. ابوي اتصل تاني في تلفون عمتي قال ليها بكره لازم البت دي تنزل السودان .. عمتي قالت ليهو بتك تعبانه ونفسيتا زي الزفت خليها تقعد كم يوم ترتاح شويه وبعدها انا برسلا ليك .. ابوي قال ليها ولو ربيع اتعرض ليها تاني ؟ عمتي قالت ليهو ما تخاف اخوانا قاعدين .. ابوي قال ليها خيير ..
قعدت زي اسبوع معاهم نفسيتي اتصلحت شويه وطبعاً طول الاسبوع ده لا لمحتا ربيع ولا شفتو ولا جا سأل مني تاني .. مشيت لعمتي قلتا ليها انا بعد ده عايزه ارجع لاهلي قالت لي ليه م تقعدي معانا شويه ! قلتا ليها لالا كفاني والله قالت لي طيب بعدين مرتضي يجي يوديك بيتك تجيبي حاجاتك .. قلتا ليها ما عايزاهم ... قالت لي اجيييي كيف ما عايزاهم ؟ خلاص لو ما عايزه تمشي هناك بعدين بنمشي انا ومرتضي نجيبهم ليك قلتا ليها تمام .. جا مجتبي داخل قالت ليهو خلاص وقت جيت ارح معاي انتا نجيب حاجات امونه من بيت ربيع قال ليها دقايق بس اغير ملابسي .. دخل غير وطلعو .. بعد ساعه كده عمتي جات قالت لي اتخيلي الولد ده طلع قليل ادب كيف اول قال ما بخليني اشيل اي حاجه من بيتو ولو عايزه حاجاتك تجي ليهم انتي بس بركه الكان معاي مجتبي شاكلو وهددو حتي خلاني لميت ليك حاجاتك .... شلتا حاجاتي دخلتهم جوه وقعدتا ارتب جاني
مجتبي قال لي فاضيه اتكلم معاك ؟ قلتا ليهو اتفضل .. قال لي اول شي ارفعي راسك وعايني لي وانا ما عايز تاني اشوف في عيونك نظره الحزن والانكسار دي وبعدين الحياه ما وقفت عليهو وانتي ما اول ولا اخر وحده تتطلق ف شهرا واكيد انتي لو ما لقيتو فيهو عيب ما كنتي انفصلتي عنو وما تخلي الموضوع دده يأثر عليك لا هسي ولا بعدين .. ارجعي جامعتك وواصلي دراستك وعيشي حياتك عادي واعتبريها تجربة وعدت واتعلمتي منها اتفقنااا !! قلتا ليهو اتفقنااا قال لي طيب بما اننا اتفقناااا وبما انك قررتي تفارقينااا خلاص بعدين المسا انا عازمك بره .. قلتا ليهو ما عندي مزاج ياخ خليها مره تانيه .. قال لي مره تانيه شنو انتي يمكن ما تجينا تاني قريب او يمكن ما تجي اصلا ف لازم نطلع ونغير جو قلتا ليهو تمام 😊 المسا طلعنا كلنا اتعشينا بره حتي عمتي طلعت معانا ...

تاني يوم مرتضي حجز لي وف نفس اليوم المسا كانت طيارتي .. ودعتهم وطلعت من البيت انا ومرتضي لانو كان حيوصلني المطار ولما جينا نركب العربيه لقي اللستك نازل قال لي دقيقه اتصل لمجتبي لو قريب يجي يوديك .. اتصل لمجتبي تلفونو مغلق قال لي حنضطر نركب تاكسي قلتا ليهو ما مشكله .... مشي مني مسافه وبعدها اشر لتاكسي جانا ... ركبنااا وبتاع التاكسي طول الطريق مركز معاي ( كان في نهايه العشرينات يمكن 29 او 30 لونو اسمراني لحيتو كانت غزيره ومهملة وعيونو تحت فيها سواد وهالات وفي شيب خفيف ف لحيتو .. عيونو واسعه ورغم ده كلو بس كانت ملامحو جميله شديد )  استغربتا زول ف عمر صغير زي ده عندو شيب وليه هامل ف نفسو كده ؟!! بتاع التاكسي فضل يعاين لي مساافه وكل دقيقه يلفت المرايه ويركز فيني ولما ارفع راسي ينزل المرايه بس طنشتو .. بعد شويه عملا واضحه ولفت المرايه علي عديييييل وبقي مركز فيني شديد لمن مرتضي لاحظ قال ليهو في حاجه يا حبيبنا ؟! قال ليهو لااا ولفت المرايه مني ...
بعد وصلنا المطار مرتضي نزل من التاكسي قال لي انتظريني دقيقه بس ح اعمل تلفون واجي قلتا ليهو تمام .. هنا مسكت تلفوني ودنقرت فيهو بتاع التاكسي اتلفت علي طوالي واتكلم معاي ...

#يتبع

اضغط علي التالي لتشاهد الحلقة التالية 

 #حبيبي_الاسمراني7


بتاع التاكسي اتكلم معاي وقال لي مش انتي البت الانا رفعتها من قدام الفندق بالليل قبل اسبوع ؟! اتخلعت ورفعتا راسي بكل ثقه قلتا ليهو لاااا سكت مسااافه وبعدها طلع واداني ليهو قال لي انا سواق تاكسي هنا وده رقمي لو احتجتي مشوار اتصلي علي اوكي ؟! شلتا الكرت وما رديت ليهو ..
مرتضي جا راجع وبتاع التاكسي نزل ونزل لي شنطي ومشي وانا ومرتضي دخلنا المطااار .. فضل منتظر معاي ساعتين لحدي زمن الطياره جا بعدها ودعني وانا ركبت الطياره وسافرت السودان ....

وصلت السودان لقيت امي وابوي ويوسف منتظرني في المطار .. اول م شفتهم جريت عليهم حضنتهم وقعدتا ابكي لمن امي بكت معاي 😭😭😭 ابوي قال لينا كفاكم بكا وارح نمشي البيت .. ركبنا العربيه وانا طول الطريق ساكتهه .. يوسف قال لي انتي حترجعي تاني تخليني براي ؟ شلتو ختيتو في راجليني وقلتا ليهو لالا تاني ما بخليك ابدا 😊
بعد وصلنا البيت ع طول دخلتا غرفتي امي قالت لي اقيفي دقيقه انا عايزه اتكلم معاك .. ابوي قال ليها ده ما وقتو قال ليهو طيب وقتو متين ؟ معقول البت ما تتم شهر يطلقوها ويرجعوها لينا ؟ قلتا لامي هسي برجع محل جيت لو ده بريحك ولو خايفه من كلام الناس !!! سكتت ودخلت جوه .. دخلتا غرفتي وقفلتها علي وبقيت ابكي جاني ابوي قال لي شي واحد ببكيك مافي وانا من البدايه ما عايزك تعرسي في عمر زي ده لكن نقول شنو قدر الله وما شاء فعل وكلو لخير وربنا يعوضك بالاحسن منو .. انا هسي ما حأسألك الحصل شنو واتشاكلتو ليه بس يوم تحسي انك عايزه تحكي لي وتفضفضي لي تعاليني وانا بسمعك ... انا صحبك قبل م اكون ابوك صح 💜💜 قلتا ليهو صح 😭😭 ختا يدو في كتفي وطبطب علي وقال لي ارتاحي .. ابوي طلع جا يوسف داخل قال لي انا عايز انوم معاك انا اشتقتا ليكي 😭💔💔 قلتا ليهو تعال .. حضنتو ونمنااا .. الصباح صحيت ع صوت تلفوني رديت لقيتو ده مجتبي 💜 قال لي صباح الخير قلتا ليهو صباح النور قال لي اها امس وصلتي كيف ولقيتي ناس البيت كيف !؟ قلتا ليهو كلنا كويسين الحمد لله .. قال لي فقدناك ياخ .. قلتا ليهو حتي لحقتو تفقدوني .. قال لي اتخيلي .. قلتا ليهو طبعاً انا كنتا نايمه وانتا صحيتني ف خليني اغسل وشي واصحصح شويه وارجع ليك .. قال لي تمام 😊 دخلتا الحمام وطلعتا اتصلتا ليهو ايمو قلتا ليهو وين الجماعه قاعد براك ؟! قال لي مهتدي في الجامعه ومرتضي طلع عندو شغل وامي في المطبخ ..قلتا ليهو طيب ادي التلفون لعمتي اسلم عليها .. ادها التلفون صبحتا عليهت قالت لي ما شاءالله وشك منور😻
قلتا ليها الله يهديك يا عمتي امس كنتا معاك الليله تقولي وشي منور😂😂😂😂 قالت ل والله صح يمكن عشان لقيتي اهلك واخوك قلتا ليها اب يمكن ❤ قلتا ليها تمام ما اطول عليكي ح اتصل ليكم تاتي ان شاءالله💜 عمتي قالت لي كويس يا بتي ما تنقطعي مننا قلتا ليها ان شاءالله 💜 جات امي داخله قالت لي بتتكلمي مع منو من الصباح ؟ قلتا ليها دي عمتي ... قالت لي كويسه هي ؟ قلتا ليها كويسه الحمد لله قالت لي طيب صحي يوسف خليهو يتسوك وارحكم الفطور .. قلتا ليها امي فطور من الساعه 9 ؟ قالت لي انتي العيشه في قطر نستك مواعيد فطورنا ولا شنو ما عمرنا ده كلو بنفطر في الزمن ده 😒 قلتا ليها سمح جاااييين .. صحيت يوسف ودخلتو الحمام وطلعنا بره قعدنا نفطر ابووي قال لي اها حتنزلي جامعه متيين ؟ قلتا ليهو من بكره ان شاءالله .. قاال لي كويس انا امس مشيت جامعتك ولقيت ما فاتك كتير تقدري تنزلي مع الناس عادي .. قلتا ليهو تمام... نزلت الجامعه وخلصتا اولي وتانيه ...  تميت سنتين من انفصلتا عن ربيع وطول السنتين دي ما حصل سأل مني ولا جاب خبري ... طول السنتين دي ما اتقطعتا من اولاد عمتي وع طول متواصلة معاهم ...... في يوم اتصل لي مجتبي وكان واضح من صوتو انو مبسوط شديد قلتا ليهو اها خبرك شنو ؟؟ قال لي عندي ليك خبر حلووووو وحتفرحي شديد .. قلتا ليهو اهااا بشرررني ❤

#يتبع



 #حبيبي_الاسمراني8


قلتا ليهو اها بشرررني .. قال لي تتذكري البت الكانت حكيت ليك عنها وانو بحبها بس ما عارف ظروفا شنو ومخطوبه ولا لا وكده ؟ قلتا ليهو اي اتذكرتها مالا ؟! قال لي امس مشيت خطبتها
...💜قلتا ليهووو اححححلف 😻❤ قال لي والله جد .. قلتا ليهو ظبطتا امورك وخطبتا من امس وجاي توريني الليله ،! قال لي اولا امس كنتا بتكلم مع ابوك وحكيت ليهو وبارك لي كمان وافتكرتا انو بكون كلمكم .. قلتا ليهو لالا والله ما كلمنااا .. قال لي ع العموم يا ستي العرس بعد شهرين وطبعاً خالي وعدني انكم حتحضرو ولازم لازم انتي تجي م عايز اي اعزار لا تقولي لي جامعه ولا غيرو !! قلتا ليهو وكمااان حددتو العرس ؟! طيب ليه عاملنو هناك كان تعملو لينا هنا ف السودان ياخ عشان نعزك 😏 قال لي كان بي ودي والله بس العروس اهلها كلهم هناك 💔 قلتا ليهو خير ان شاءالله وبالجد فرحتا ليك شديد وربنا يتمم ليك ع الف خير انتا تستاهل كل السمح يا مجتبي 💜 قال لي اميييييين يا بت الخال وعقبالك ياخ .. لما قال لي كده سكتتاااااا مسافه وهو  زاتو حس بي قال لي انتي زعلتي من كلمتي دي ؟! قلتا ليهو لالا عادي وعشان ما  احسسو انو كلامو اثر فيني قلتا ليهو بس انتا ما استعجلتا شويه 😂😂😂😂 كان تنتظر مرتضي ع الاقل معقول تعرس قبل اخوك الكبير 🐸 قال لي يا زوله دي قسمتي جات كده وبعدين هو زاتو هسي ما خاتي العرس في بالو وانا ما صدقتا لقيت البت البحبها معقول افرط فيها ؟! قلتا ليها اي والله ربنا يسعدكم ياخ 💜 قال لي امييييين ويلا مع السلامه ح اتصل ليك تاني...

خلصت المكالمه مع مجتتبي ومشيت لامي قلتا ليها اتصل لي مجتبي وقال خطب وعرسو بعد شهرين ولازم نحضرو 🐸 امي قالت لي اي امس ابوك كلمني ربنا يسهل ان شاءالله 💜 قلتا ليها انتو عارفين من امس طيب ليه م كلمتوني 😏 قالت لي لما اتصل انتي كنتي نايمه وم حبينا نصحيك قلتا اوريك الليله الصباح ونسيت .. قلتا ليها ما مشكله .... مرت الشهرين وفضل علي  عرس مجتبي اسبوع .. ابوي حجز لينا وسافرنا  كلناااا حتي ناس حبوبه وعمتو سميه وعمو سامي سافرو معانا ..... لما وصلنا فجأة اتذكرتا كل حاجه مريت بيها وكل الذكريات العشتها هنا فجأة قلبي انقبض واتضايقت امي قالت لي مالك صريتي وشك فجأة ؟ قلتا ليها مافي حااجه 😊 لما وصلنا بيت عمتي قلتا ياربي  ربيع لسه ساكن جنبهم ولا رحل ولا عمل شنو في حياتو ؟! قلتا يارب يكون مافي ويارب طول قعدتي هنا دي م اصادفوو ... قعدنا نتونس مع عمتي قالت لينا مجتبي جااري طبعاً بجهز في امورو لانو العرس قرب ومرتضي ومهتدي ديل في البيت بقو ما بقعدوو .. قبل ما تكمل كلامااا جا مرتضي داخل قالت ليهو هسي لو جبنا سيره خزنه م كان جاتنا 😂😂😂😂😂😂  قال ليها ياااا سلااااام م تقولي الحبايب جوو ... جا سلم علينا وقال لي وين يا زووله من ديك وعيك م طرريتينا 😒 قلتا ليهو معلييشش جري الجامعه كتيير .. قال لي ما شاءالله وصلتي المستوي الكم ؟! قلتا ليهو خلصتا تانيه 💜 قال لي ما شاءالله ربنا يوفقك وتعالو معاي انتي ويوسف وسامي عندي حاجات ليها مده شايله ليكم 💜💜

مشينا انا ويوسف وسامي مع مرتضي وعمتي بهناك قالت لابوي رايك شنو تدينا امونه ل مرتضي ؟!ابوي اتخلع وصلح قعدتو قال ليها  كييف ؟! قالت ليهو زي ما سمعتا وانا شايفه انهم مناسبين مع بعض وبعدين مرتضي بريد امونه شديد واكتر زول بفهما وبخاف عليها وهي كمان بترتاح ليهو انتا ما ملاحظ الحاجه دي ؟ ابوي قال ليها نفكر في المواضيع دي بعدين هسي البت عندها جامعه .. عمتو سميه قالت ليهو اجييي يا عباس هي الجامعه حتطير ؟ وبعدين مرتضي اولي بيها من الغريب ! ابوي قال ليها قبل كده طلعت من تجربه فاشله وانا شايف لسه عليها .. امي قالت ليهو هييي لسه شنو بتك كبيره ما شاءالله تحمد الله ومرتضي انسب زول ليها وبصراحه انا عايزه افرح بيها 💜 ابوي قال ليها تفرحي شنو انتي قبل كده ما فرحتي بيها وشفتي النتيجه بعينك ؟ عمتي قالت ليهو قصدك شنو يا عباس انتا ما واثق في مرتضي وانو حيسعدا ؟ ابوي قال ليها ما قصدي حاجه والله وانا عارف مرتضي كويس وواثق من تربيتو وع العموم قفلو الموضوع ده وبعد عرس مجتبي ينتهي نشوف البحصل شنو .....

مر الاسبوع وجا اليوم العرس ... اتظبطنا واتشيكناااا .. لبستا فستان كحلي وفكيت شعري وعملتا ميكب خفيف ولبستا يوسف اخوي بنطلون بيجي وقميص كحلي وبقينا مطقمين 😻😻 مرتضي لما جا يسوقنا عاين لي مسااااااافه قال لي احم عيني بارده ما شاءالله وين ده كلو من زمان 😻💜 ضحكتاا وقلتا ليهو هذا قليل من كثيييير كششف بس 😌💜 قال لي مااشي ارح اركبو.... ركبنا ووصلنا الصاله لقينا العرسان وصلو قبلنا .. قلتا ل مرتضي شكلنا اتأخرناااا .. قال لي اصلاااا وده كلو عشان ف النهايه تطلعي زي البنات 😂😂😂😂 قلتا ليهو قبيل ده ما كان كلامك 😒 قال لي اي هسي شفتا المزز عشان كده غيرتا رايي 😌 قلتا ليهو كوووويس بس خلي الانبطاح وارح نرقص مع العرسان 😂😂😂😂😂 مشينا باركنا  ليهم وقعدتا ارقص مع سامي ومهتدي وفي نص الحفله لمحتا شخصيه ما غريبه علي .......

#يتبع


اضغط علي التالي لتشاهد الحلقة التالية 


 #حبيبي_الاسمراني9


في نص الحفله لمحتا شخصيه ما غريبه علي .. حاولتا اتذكر الزول ده انا شفتو وين قبل كده ؟! فكرت وفكرت بس ما اتذكرتو بقيت اعاين فيهوو مسااافه لحدي ما حسيت انو انتبه لي نزلتا راسي وقعدتا ارقص .. فجأة تلفوني اتصل كان اتصال من السودان .. عاينت لتلفوني ورفعتا راسي عايزه اطلع بره الصاله اتكلم لقيتو هو كمان بعاين لي ومركز معاي شدييييد .. طلعت بره خلصتا المكالمه واتلفتا عايزه ادخل لقيتو واقف وراي ومدخل يدينو في جيبو اتخلعتا .. عايزه ادخل مد لي يدو قال لي كيفك !.. ما مديت يدو واكتفيت ب قول # الحمد لله .. قال لي ما اتذكرتيني صح ؟! قلتا ليهو ابدا والله 😊 قال لي طيب يا ستي انا بتاع التاكسي الرفعك قبل سنتين من قدام الفندق لما كنتي بتبكي ووداك بيت اهلك وانا نفسو بتاع التاكسي الوصلك المطار لما كان معاك اخوك وسألتك قبل كده إذا دي انتي بس نكرتي وانا احساسي كان بقول لي انو دي انتي نفس البت واديتك رقمي وانتظرت اتصالك لمدة سنتين بس ما اتصلتي ف قلتا لو لي قسمة فيك بلقاك ! 💜 قلتا ليهو نعم ؟! قسمه شنو ورقم شنو ؟ قال لي ما عارف اقول ليك شنو بس انا من يوم شفتك وركبتي معاي التاكسي ملامحك انطبعت في ذاكرتي وما قدرتا انساك ابدا وكنتا ع طول بفكر فيك وبتمني لو تتصلي ...انا طبعا متفاجئه ومخلوعه وما ركزتا مع كلامو ده كلو بس قلتا ليهو ب براءه واستغراب .. بس انتا ما كنتا كده اتغيرتااا ...😳 قال لي اي صح كنتا هامل ساي 😂😂هسي بقيت زول وخففتا لحيتي وحلقتا شعري وحتي الهالات التحت عيوني اختفت واهتميت بشكلي اكتر حتي لوني فتح .. قلتا ليهو وليه ما كنتا مهتم ب شكلك ؟ انا طبعاً بسأل الاسئله دي كلها وناسيه نفسي اساسا والمكان الانا فيهو والحفله 😂😂😂😂 قال دي قصه طويله ح اتصل ليك بعدين واحكيها وع طول خطف تلفوني من يدي سجل رقمو واتصل في تلفونو ورجع لي تلفوني ومشي ... خلاني فاتحه خشمي وبعاين ليهو 😳🌝 ده شنو الانسان الغريب ده ؟! كيف يشيل تلفوني ويسجل رقمو عادي كده ويمشي 😡 عايزه الحقو اشاكلو جاني مهتدي قال لي وين اختفيتي يا زوله جوه بسألو منك
قلتا ليهو طيب جايه .. مشيت ورا مهتدي وقعدتا ارقص حاولتا انسي الولد وحركتو وتصرفو بس ما قدرت .. طول الحفله كان بالي معاهو .. بعد الحفله خلصت عملنا الجرتق ورجعنا البيت .. من وصلت البيت انجدعتااا في السرير لانو كنتا تعبانه شديد ... غمضتا عيوني عايزه انوم باب الغرفه دق .. مشيت فتحتو لقيتو ده مرتضي قال لي صحيتك ؟ قلتا ليهو لا انا اصلا ما نمتا .. قال لي طيب ممكن ادخل ؟ قلتا ليهو اتفضل .. قعد قصادي وسكت مساافه قلتا ليهو عايز تقول حاجه ؟ قال لي انا بالنسبه ليك شنو يا امونه؟! قلتا ليهو كيف يعني ما فاهمة ؟ قال لي يعني انتي معتبراني شنو في حياتك ؟! قلتا ليهو صحبي واخوي وود عمتي ؟؟؟ سكت مسااااافه وقال لي بس كده ؟ قلتا ليهو ايوه ... قال لي تمام .. وقام علي حيلو طالع من الغرفه مسكتو من يدو وقلتا ليهو مرتضي في شنو ؟ اتلفت علي وثبتني في الحيطه عيونو اتملت مويه وعروق وشو ظهرت وقال لي بصوت مبحووح ؟.. في اني بحبك ! نطتتا عيوني واتفاجات وبقيت مصدومه ومبحلقه فيهو مساااافهه وهو بعاين فيني .. فجاة فكاني وطلع من الغرفه انا قعدتا في السرير ولسه مصدومه ومتفاجاة قلتا معقول مرتضي يكون بحبني ؟ يعني معاملتو لي وخوفو علي وريدتو لي ما كانت ريدة خوه ؟ مرتضي بحبني انااااا ؟؟ فضلتا افكر وافكر وراسي ضارب لحدي ما نمتاا  .....الصباح صحييت متأاااخره واصلا لو ما تلفوني اتصل ما كنتا صحيت ! عاينت للتلفون عايزه ارد لقيت الرقم غريب ابيت ارد .. لما اتصل كتير رديت قال لي صباح الخييير اسف لو ازعجتك ! قلتا ليهو صباح شنو وانتا منو ؟! قال لي انا وراق 💜 قلتا ليهو وراق منو ؟ قال لي انا وراق صلاح بتاع التاكسي الشلتا رقمك امس في الصاله .. قلتا ليهو اهااااا قال لي كيفك ؟! قلتا ليهو الحمد لله قال لي امس ما اتصلتا عليك بالليل قلتا اكيد بتكوني جيتي من الحفله تعبانه وكده .. قلتا ليهو اي صح .. قال لي اممممم ما عرفتيني ع اسمك ؟ قلتا ليهو اسمي امنه .. قال لي يا سلااااام امنه بنت وهب اتشرفت ياااخ💜 قبل ارد ليهو سمعتا امي نادتني قلتا ليهو طيب برجع ليك بعدين قال لي تمام بعط قفل استغربتا في نفسي ده شنو الانا عملتو ده ؟ وكيف اتجاوبتا معاهو بالسرعه دي وكنتا ساهله ومتساعله ؟ امي جاتني داخله قالت لي وين انتي من قبيل بنادي فيك منتظرنك للفطور خشي الحمام سريع واطلعي بره منتظرنك قلتا ليها تمام .. دخلتا الحمام وطلعتا ليهم بره لقيتهم كلهم قاعدين ف الصفره .. مرتضي عاين لي ونزل عينو قلتا ليهم صباح الخيير .. قالو لي صباح النور .. امي قالت لي صباح شنو الضهر قرب من قبيل منتظرنك بالفطور وانتي يادوب صاحيه ؟ عمتي قالت ليها ما مشكله في النهايه صحت واساسا نحنا ما قاعدين نفطر بدري ...
بدينا نفطر عمتو سميه قالت لابوي اها يا عباس فكرتا في الموضوع ؟ ابوي قال ليها موضوع شنو؟ عمتو ساميه قالت ليهو اجيييي يا عباس لحقتا تنسي ؟ موضوع امونه ومرتضي .... انا لحظه سمعتا اسمي واسم مرتضي مع بعض اتشرقتا وحسيت اللقمه وقفت لي في حلقي ..!

#يتبع



 #حبيبي_الاسمراني10


انا لحظة سمعتا اسمي واسم مرتضي مع بعض اتشرقتا وحسيت اللقمه وقفت لي في حلقي بقيت اكح وغلبني الاكل .. مرتضي من شافني بكح قام ع حيلو وناولني مويه عمتي وامي عاينن لبعض وقعدن يتبسمن وانا بشرب وبحمر ليهن 🌝 بعد شربتا المويه وروقتا شويه قلتا ل عمتو موضوع شنو ؟ قالت لي موضوعك انتي ومرتضي بصراحه انا من زمان عايزاك ليهو بس قسمتك جاتك وهدا ربنا قدر انو تنفصلي عشان ترتبطي بيهو .. ابوي عاين لي وسكت ! قلتا ليها بس يا عمتي انا جربت الزواج قبل كده ولسه التجربه مؤثره فيني وما عندي نيه اتزوج تاني خالص وبعدين مرتضي زي اخوي وانتو ما مفروض تاخدو قرار عنننااا نحنا الاتنين ما عايزنو .. امي قالت لي ي بت انتي مجنونه ؟ كيف يعني ما دايره تعرسي تاني ؟! انتي لسه صغيره والف واحد يتمناك .. عمتي قالت لي كلام امك صح وبعدين منو القال ليك مرتضي ما موافق .. مرتضي عاين ليها قالت ليهو اها مالك ما عايزا صحي ؟! سكت وقام من الاكل قالت لي السكوت علامة الرضا .. قلتا ليها الله يرضي عليك يا عمتي ما تضغطي علي وما تزعلي من كلامي ده بس انا ومرتضي مستحيل في يوم نكون مع بعض انا عمري ده كلو بعتبرو اخوي الكبير عايزني هسي اجي فجأة اتزوجو ؟! عمتو سميه قالت لي مع العشره والايام حتحبيهو وحتشيلي فكره الخوه من راسك .. ابوي قال لينا بما انها قالت رايااا خلاص خلوهاا ع راحتاااا ! امي قالت ليهو نخليها علي راحتا لمتين ؟ لمن تعنس جنبك ؟ وبعدين مافي زول احسن من مرتضي وما تقولي لي زي اخوي انتو ما اخوان ! قلتا ليها عليك الله يا امي ما تصغطو علي ياخ وقمتا منهم دخلتا جوه قعدتا ابكي .. ابوي جاني قال لي امسحي دموعك وحاجه انتي ما عايزاها ما حتحصل واعتبري الحوار ده انتهي خلاص ! قلتا ليهو طيب 🌸 قضيت اليوم كلو في غرفتي خالص م طلعتا ليهم بره المسا تلفوني اتصل .. لقيتو رقم غريب تاني اتزكرتا انو ده رقم وراق رديت ليهو قال لي وييييين يا زوله م رجعتي لي ؟ قلتا ليهو والله كنتا مشغوووله شويه قال لي ايواااه .. اها انتي ساكنه هنا ولا بتجي اجازات ولا كيف ؟! قلتا ليهو لا جيت هنا لعرس بس 😊 قال لي انا طبعاً واحد ل امي ابوي متوفي من زمان كنتا عايش مع امي في السودان بس امي مرضت وتعبت شديد وكانت محتاجه ل عمليه ووضعي المادي كان صعب شديد ف جيت هنا اشتغلتا سواق تاكسي عشان اقدر اعمل ليها العمليه ولما لميت القروش وعايز ارجع السودان لقيت نفسي اتاخرت وامي اتوفت 💔💔💔💔 سكت مسااااافهه حسيت بيهو كأنو بيبكي .. تاني قال لي ف رجعت السودان دفنتها وعملتا العزاء ورجعتا قطر تاني واشتغلتا وبقيت زوول مال وهدوم واتشيكتااا بس للاسف امي ما حضرت ده كلو ولا قدرتا الحقا واعالجا😊💔 وجع قلبي وقلتا ليهو الله يرحما بالجنة يارب 🌸قال لي امييين بس شوفي الدنيا دي قاسيه كيف قبل سنتين كتتا بسوق تاكسي وكنتا بشتغل ليل نهار عشان اقدر اعالج امي وهسي سايق عربيتي الخاصه بس امي ما معاي💔
قلتا ليهو ده حال الدنيا ربنا يرحما ويجمعك بيها في الفردوس الاعلي ... قال لي اها اخدتك في الكلام وما حكيتي لي عن نفسك ... قعدتا احكي ليهو من البدايه لحدي ما اتزوجتا ربيع وانفصلنا ورجعتا الجامعه .. قال لي معقول وحده زيك ممكن زول ينفصل عنها ؟! سكتااا قال لي انا اصلا ما قادر اصدق انك كنتي متزوجه ف يوم انتي صغيره ياخ بعدين صدقيني او كنتي مرتي استحاله افرط فيك !! سكتااااااا قال لي امنة ! قلتا ليهو نعم ؟! قال لي لو قلتا ليك اني حبيتك من اول مره شفتك فيها واتخيلتك تكوني مرتي وام اولادي يمكن ما تصدقيني وتقولي ده كذاب وبحنك ساي بس انا ح اخلي الايام تثبت ليك وهسي ما عايز منك اااي رد عايزك تاخدي راحتك في التفكير وتتعرفي علي كويس وتدرسي شخصيتي ولو نفعت معاك وقدرتي تحبيني زي ما انا بحبك اوعدك اول خطوه ح اعملا ح اصل لابوك ... قلتا ليهو انا حالياً ما بفكر اتزوج وبعدين عندي تجربه سابقه انتا حتقبل تتزوج وحده متزوجه قبل كده ؟ قال لي ليه ما اقبل هو انا لاقيك ؟ وبعدين انا الحاجات دي ما بتهمني وانا بحبك انتي وما بهمني ماضيك واتزوجتي كم واحد قبلي ... انا بتهميني انتي ومستقبلي معاك .. قلتا ليهو ما غريب تقول الكلام ده لوحده دي تاني مكالمه ليك معاها ؟ قال لي عارفو غريب بس انا قلتا ليك الفي قلبي كلو وانتي فكري وشوفي وبينا التلفون وانا ما ح انقطع منك وح انتظرك لحدي ما تخلصي جامعتك ! سكتااا قال لي خيييير طيب هسي ما عايز اطول عليك بس بينااا التلفون قلتا ليهو تمام 💜 بعد قفلتا منو رقدت ف السرير وحضنت المخده وبقيت اعاين للسقف حسيت بشعور غريب اول مره احس بيهو ! حسيت اني مبسوطه ومرتاحه وحاجات حلوه كتييره ... بعد اسبوع رجعنا السودان ..... كنتا ع طول متواصله مع وراق لحدي ما حسيت اني حبيتو فعلاً واتعلقتا بيهوو ...🌸 بس ما وريت زول وخفتا من ناس البيت لو صارحتهم وانو جاي يتقدم لي ممكن يتصرفو كيف؟! قلتا اخلص جامعه وبعدها يحلها الحلال ... في يوم بتونس مع وراق قلتا ليهو امتحاناتي قربت ومتوتره وما قاريه كويس ! قال لي امممممم وليه ما تقري كويس بتفكري فيني ولا شنو ؟ قلتا ليهو لااااااا قال لي عايني انا عارف انك بتحبيني بس ما عايزه تقوليها بطلي غرورك ده واعترفي يلا قلتا ليهو ابييييت قال لي لا انتي بتحبيني ولازم تعترفي قلتا ليهو لا ما بحبك ...قعد يضغط علي ويجرجر فيني غاظني شديد وانفعلتا وقلتا ليهو ايوه بحبببككك ❤ قال لي بصوت عااااالي يااااا الله يااااااااااااخخخ وطق قفل الخط قعدتا اضحك عليهو قلتا ده مجنون 😂رجع اتصل لي تاني قال لي عيديها قلتا ليهو اعيد شنو ؟ قال لي بحبك دي قلتا ليهو ابييت... قال لي طيب عيديها عشاني ولو عدتيها عندي ليك مفاجأة حلوة شديد .. قلتا ليهو احلف .. قال لي وحياتك عندي ...💜 قلتا ليهو طيب بحبك قال لي ياخي انا قربتا اموووتت اخخخخ شلتي قلبي من مكانو النبي عيديها تاني 😢 قلتا ليهو بطل بكش ووريني المفاجأة شنو ؟!

#يتبع


اضغط علي التالي لتشاهد الحلقة التالية 


#حبيبي_الاسمراني11


قلتا ليهو اها المفاجأة شنو ؟😻 قال لي مفاجأة .. قلتا ليهو انتا عوير مش قلتا عندك لي مفاجأة ..؟ قال لي اي قلتا بس انتي هسي قلتي لي قول لي مفاجأة عشان كده انا قلتا ليك 😏 قلتا ليهو ورااااااق ياااااخ 😢💔 قال لي احييييااااا ياخ وراق وروح وراق وعيونو من جوه النبي تاني قوليها بصوتك الحنين الميتان ده 😻💜 قلتا ليهو اقول شنو ؟ قال لي قوولي ورااااااق 😌❤ قلتا ليهو ابييييت قال لي طيب مافي مفاجأة .. قلتا ليهو انا اصلا شاكه انو مافي مفاجأة من الاساس ! قال لي اقسم بالله في 😻 قلتا ليهو طيب قووولا ... قال لي يعني لو قلتها ح يكون اسمها مفاجأة كيف ؟! قلتا ليهو ورااااق 😡 قال لي خلاص خلاص رووقي المفاجأة انو عندي اجازه و نازل السودان الاسبوع الجاي 😻 قلتا ليهووو احلف  قال لي والله🌚 قلتا ليهو انا مبسوطه بس كمان ما لقيت زمن تجي فيهو الا مع امتحاناتي ؟! قال لي خلاص ما جاي 🌚 قلتا ليهو لا تعال 🐸 قال لي احححححيااا والله لو علي اجي هسي ده ياخي مشتاق ليك انا ... سكتااا مساافه وقلتا ليهو وانا كمان مشتاقه ليك 😢💔 قال لي الله يخلص ليك السنه الفضلت ليك دي عشان نتلما في بيت واحد ياخ ما قادر اصبر 😭😭💔 قلتا ليهو قررربت شيل الصبر بس صبرنا كتييير باقي بسيط حبيبي ❤ قال لي واااااااااي من حبيبي دي انا بموت يوم بسببكك❤
قلتا ليهو بعد الشر وبعدين اركز شويه شنو اي كلمه بترقدك سلطه 🌚 قال لي اقسم بالله انتي دي البترقديني سلطه ... ضحكتا عليهو وقفلتا منو قلتا ليهو عندي قرايه يلااا ...
مر الاسبوع وف يوم وانا طالعه من الامتحان تلفوني اتصل .. وراااق قال لي ما شايفه انو السودان نور ؟! قلتا ليهو وااييي ي مجنون انتااا جيييت ! قال لي ايي جييييت وهسي قدام جامعتكم اطلعي سريع .. طلعتا بره لقيتو واقف جنب العربيه وخالف رجلوو .. كان لابس تشيرت كحلي اكمامو طويله ومظهر صدرو العريض وخفف لحيتو وظبط سكسوكتو واااييي انا اتدشدشتاااا 😭💔 جيت عليهو بخطوات بطييئه قال لي ليه ماشه كده زي بت الطهور ما مشتاقه لي ولا شنو ؟ قلتا ليهو قليل ادب ده كلام شنو😂😂😂😂 قال لي خليك من قله ادبي وتعالي اركبي .... ركبنا قال لي ملاحظه انك ما سلمتي علي ؟! مديت ليهو يدي جراني منها وحضني عليهو ..❤❤❤❤❤ ل لحظه حسيت اني اختفيت ف حضنو لانو صدرو عريض .. بقي حاضني مسااافه وانا متدسيه جوه حضنو وحاسه ب راحه وامان .. فضلتا حاضناهو وانا بشم ف ريحة عطرو الما فارقتني ابدا .. بعد شويه اتفكيت منو قال لي متين نتزوج ونتلما ياخ انا زهجتااا وعايزك معاي وجنبي وفي حضني وفي بيتي 💜 قلتا ليهو قريب ان شاءالله ❤ مسك يدي وقال لي رايك شنو بما اني جيت هنا نستغل الفرصه وامشي لابوك ويديني ليك ونعرس وتكملي السنه الباقيه دي معاي ف البيت .. قلتا ليهو لا طبعا وبعدين نحنا اتفقنا ع شنو ؟ وانتا عارف اهلي انا حكيت ليك كل شي من البدايه ولازم اتخرج اول بعدين اطرح عليهم الفكره عشان ما يلقو سبب يعارضوني بيهو !! اتنهد وقال لي تمام طييب .. قلتا ليهو انتا زعلتا ؟! قرب مني وباس راسي قال لي لاااا وانا مستحيل ازعل منك في يوم ما تشيلي هم 💜 يلا خلينا نمشي نتغدا بره لاني جيعااان وحموت من الجوع .. قلتا ليهو تمام 😊
قال لي نمشي وييين اختااري المطعم الانتي عايزاهو .. قلتا ليهو اي مطعم ما مهم المهم انك معاي 💜 قال لي احم بقيتي تتكلمي كلام حلو 😂😂😂❤ قلتا ليهو ده كلامك ...! قال لي طيب نمشي اوزون ؟! قلتا ليهو مافي مشكله 🌝🌸 مشينا اوزون قال لي اها اطلب ليك شنو ؟ قلتا ليهو ال حتاكلو انتا ح اكلو انااااا .... ختا يدو في لحيتو وابتسم وقال لي انا عايز اكلك انتي 😌❤ طبعاً ضحكني شديد فضلتا اضحك فيهو قريب 5 دقايق وهو سرحان فيني وبعاين لي وبتبسم !! جات بت  ماشه فينا هي وصحباتا لما شافوني بضحك وهو سرحان فيني كلهم صفقو لينا ب اصبعم وقعدو يضحكو .. لما انتبهنا ليهم قالو لي بختك والله ... شوووفي المطعم ده مليان بنات مززز اشكال والوان بس خطييبك مركز معاك شديد وعينو ما رمشت منك رمشه 😻💜 ابتسمتا ليهم وسكتااا وراق قال ليهم قولو يارب تبقي مرتي الليله قبل بكره 😻❤ قالو ليهو امييين ان شااءالله تبقي مرتك الليله قبل بكره 😻 وحده قالت ليهو عليك الله بعد تعرسا دبل بي 😍 وراق قال ليها مافي مساحه لزوجه تانيه والله لانها احتلت كل المساحه 😌🌸 قلتا ليهو خلاص بطل بكش وخلينا ناكل لاني جوعتا 🐸 قال لي حااااضر...

#يتبع




 #حبيبي_الاسمراني12


قال لي حاضر بس ما قلتي لي اطلب ليك شنو ؟! قبل ما ارد عليهو تلفوني اتصل قلتا ليهو هسسس دي امي 🌝 رديت ليها قالت لي اتاخرتي مالك ؟ قلتا ليها المواصلات صعبه شويه بس هسي جايه .. قالت لي تمام اها امتحانك كان كيف ... عاينت ل وراق وقلتا ليها حلو شدييييد 😍❤ قال لي تمام ربنا يوفقك وعقبال الباقي 💜

قفلتا من امي قلتا ليهو قوم ارح لاني اتاخرتاااا وانا بسببك اتصطريت اكذب علي امي !! قال لي طيب والاكل 😢💔 قلتا ليهو شيلو دليفري ياخ 🌝 قال لي طيب دقايق انتظريني ف العربيه 🌸 طلعت بره وانتظرتو جا طالع فجأة شفتا بت وقفتو وسلم عليهااا ... وقف معاها مسااافه وانا هنا الناااااار عايزه تاكلني وهو لسه واقف معاها وبصحكو كمان🔥🔥🔥🔥 بعد جا قال لي يا سلاااام ياخ البت دي اسمها ... قاطعتو وقلتا ليهو م عايزه اعرف دي منو واتلفتا منو ! قال لي دقيقه انتي غرتي ؟ قلتا ليهو لا ... قال لي لالا غرتي !😢 اتلفتا عليهو وعيوني مليانه دموع قلتا ليهو انتا ما شفتا نفسك كنتا واقف معاها كيف وبتضحكو وانا هنا منتظراك وقلبي محرووق 😭😭😭💔 ضماني عليهو وقال لي حقك علي والله العظيم ما قصدي ازعلك واتاكدي انا مهما اشوف والاقي مستحيل اعاين لوحده غيرك لاني بحبك انتي ومكتفي بيك والبت دي والله ما كنت بقدر اطنشا واتجاوزا لانها دفعتي من ايام الثانوي ولينا سنين طويله ما اتلاقينا ف عشان كده وقفت وطولتا معاها وحقك علي 😢💔 قلتا ليهو ما مشكله بس رجعني البيت لاني اتاخرتا .. قال لي طيب ابتسمي اول 😌❤ قلتا ليهو ما عايزه قرب مني وقال لي النبي تبتسمي ❤ طبعا لما يحلفني بالطريقه دي تلقائيا بلقي نفسي ضحكتاا 😂😂
قال لي الله لا يحرمني منك ولا من ابتسامتك ... قلتا ليهو امييين بس تاني ما تتصرف كده انا بموت لو شفتك مع وحده تانيه!! قال لي تاني ما تجيبي سييرة الموت ومسك يدي وباسا وقال لي : اطمني انا ليك انتي وبس ♥♥
قلتا ليهو طيب خلينا نمشي ... دوور العربيه ووصلني البيت .. عايزه انزل قال لي هيييي شيلي معاك الاكل الطلبتو ليك ❤ قلتا ليهو لا خليهو اكيد ناس البيت حيكونو منتظرني بالغدا ولو شافوني جيت ب غدا من بره حيشغلوها لي !! قال لي ما شغلي يا زوله اتصررفي المهم شيليهو .. قلتا ليهو طيب .. شلت الكيس وودخلت البيت لقيت امي في وشي قالت لي امتحانك كان كيف قلتا ليها كويس ! قالت لي شايله شنو ف كيسك ده 🌝 قلتا ليها دي حاجات اشتريتا 😂😂 قالت لي ايوااه... دخلتا غرفتي فتحتا الكيس قلتا اطق احسن لي طلعت الاكل لقيت ورقه صغيره مطبقه ف الكيس فتحتها لقيت وراق كاتب لي فيها ( بحبك إلى الابد ) بوستا الورقه وقعدت اضحك وقلتا بقلبي وانا بموت فيك ياخ ❤💜 جا يوسف داخل قال لي امونه انتي ليه بتبوسي في الورق ؟! 😂😂😂 اتخلعتا قلتا ليهو ساي تعال قرب واقفل الباب !... قفل الباب وجاني طلعت الاكل قلتا ليهو انا جبتا اكل من بره وحناكل بس اوعك تكلم امي لانو عارف ما بتحب ناكل من بره 🌝 قال لي حااضر 💜 طقيينااا زززين انا ويوسف بعد خلصنا رمينا الاكياس في السله وغسلنا يدينا امي نادتنا للغدا 😳😳 يوسفف قال لي انا بطني وجعتني ما ح اقدر اكل تاني 😢 قلتا ليهو دقيقة طلعتا لامي قلتا ليها انا اكلتا ف الجامعه وجيت ويوسف قال اكل قبيل ما جيعان هسي قالت لي طيب صحة وهنا❤
دخلتا غرفتي واتصلتا ل وراق من رد قال لي اقسم بالله هسي عايز اتصل ليك انتي بت حلال قلتا ليهو ههههههههههه توارد خواطر ي بيبي اهاا حنكك شنو 😂 قال لي مشتاق ليك وعايز اشوفك ؟ قلتا ليهو نعمممم ؟! انا قبل شويه ما كنتا معاك ؟! قال لي حتي وانتي معاي انا مشتاق ليك ..  قلتا ليهو وانا كمان مشتاقه ليك شديد بس اصبر شويه قربناااا قال لي اي اي ح اصبر 5 دقايق بس وح اكون قدام بيتكم اطلعي اسلم عليك بس وارجعي 😢 قلتا ليهو مافي طريقه والله بعد شويه ابوي ح يجي من الشغل وامي قاعده ما بقدر اطلع .... قفل الخط ع طول افتكرتو زعل وقعدتا اتصل واتصل عليهو بس ماف رد لحدي ما قفل التلفون 😢 قلتا دي اور مره وراق يزعل مني هسي اتصرف كيف عشان اراضيهو .. لبستا توبي وقعدتا اتسحب قلتا اشوف لو جا .. فتحتا باب الشقه عايزه اطلع لقيت لي ابوي في وشي ومعاهو وراق 😳😳😳😳

#يتبع

اضغط علي التالي لتشاهد الحلقة التالية 



 #حبيبي_الاسمراني13


فتحتا باب الشقه عايزه اطلع لقيت ابوي في وشي ومعاهو وراق .. نططتاا عيوني وحسيت ب راسي لافي وقرب يغمي علي .. بقيت واقفه ومبحلقه فيهم ابوي قال لي ي بت مالك ما تفتحي الباب الزول ده معوق !! لما سمعتا كلمه معوق دي قلبي وقع في رجليني وعاينت ل وراق لقيت رجلو بتنزف عاينتا ليهو لقيتو بتبسم 😒 زحيت ليهم من الباب دخلو ابووي قال لي خشي جيبي قطن وشاش ومويه دافيه ... حسيت كأني ما سمعتو ودخلتا غرفتي قعدتا ابكي 😭😭 وراق محروووج ورجلو بتنزف م قدرتا اتحمل 😭 ابوي ناداني ي بت وين الشاش والمويه والقطن ؟ امي سمعتو جات قالت ليهو شاش لشنو ؟! قال ليها للشاب ده مجروح ! امي قالت لي يا امونه جيبي االشاش والقطن .. مسحتا دموعي وشلتهم طلعتا ليهم بره امي شالتهم وقعدت تنضف ليهو ف الجرح بعدها لفتو ليهو بي شاش وهو بعاين لي وبتبسم وانا عيوني مورمة من البكا 😭💔 امي قالت ليهو الحمد لله جرحك ما عميق لكن اتجرحتاا كيف ؟! ابووي قال ليها اسكتي بس الليله كنتا ح اتسرق وشغلي كلو حيبوظ .. قلتا ليهو كيف ؟! قال لي والله عربيتي عطلت ف االشارع الورانا ونزلتا منها شايل شنطتي قلتا اصل البيت كدراي وبكره اجيب ليها زول يصلحا ويرفعا اها ماشي كده جو اولاد جاررين فيني وبلمح البصر خطفو شنطتي والشاب ده كان قدامي بمسااافه راكب عربيتو ف لما شافهم نزل وجري وراهم جاب لي شنطتي بس اثناء ما هو ساكيهم جرحتو قزازه ف رجلو 💔 ابوي قال ليهو شكرا يا ولدي والله لو ما انتا الليله كان حصلت لي كارثه انتا ما عارف الشنطه دي مهمة قدر شنو ؟! ورااق قال ليهو العفو يا عم ده الواجب واي زول مكاني كان حيعمل كده ! انا بقيت اعاين ف وراق وابكي امي شافتني قالت لي ي بت مالك بتبكي ؟! ابوي قال ليها تكون اتخلعت وخافت علي بس من موضوع السرقه ده .. قلتا ليهو اي صح ! وراق قال لينا طيب ي جماعه بعد ده استأذن لازم امشي .. ابوي قال ليهو لا والله الا تتعشي معانا ! وراق قال ليهو مره تانيه والله هسي مافي طريقه !
ابوي قال ليهو لالا علي الطلاق تتعشا معانا يا زول .. وراق قال ليهو بما انك حلفتا طلاق ل انا مضطر اتعشا معاكم وغمز لي 💔😂😂 وسخخ .. ابوي قال ليهو اقعد ارتاح .. خليتو بتونس مع ابوي في الصاله ودخلتا اساعد امي في المطبخ .. بعد ختينا الاكل وجا قعد معانا في الصفره ! رسل لي رساله ف تلفوني فتحتها لقيتو كاتب لي فيها ( اوعدك دي ما حتكون اخر مره اتعشا معاك ف صفره وحده ) 💜 ابتسمتا وختيت التلفون .. بعد اتعشينا جبت ليهو عصير واستأذن مننا ابوي وصلو لحدي الباب وجا راجع .. قال لينا بالجد الولد ده راجل ما شاءالله لو واحد تاني كان حيقول وانا مالي ويمشي يخليني بس هو ساعدني واتصرف ب رجالة ! وعلي فكره اتعرفتا عليهو قال شغال في قطر .. قلتا ليهو ايواه تمام 😊 امي قالت ليهو لي والله راجل وما شاءالله خلقه واخلاق اريتو راجل بتي 😌💜 ابتسمتا ودخلتا جوه اتصلتا ليهو قلتا ليهو رجلك بقت كيف ؟! قال لي خليكمن رجلي بس شوفي ربنا ده رحيم كيف وعايز يجمعنا ب اي طريقه .. قلتا ليهو كيف ؟! قال لي لما انتي ابيتي تطلعي لي تلفوني قفل عايز ارجع ليك لقيتك بتتصلي وقبل ارد عليك تلفوني علق ف قفلتو ! وانا راجع البيت شفتا الاولاد الخطفو شنطه ابوك جارريين وابوك جاري وراهم وانا اقسم بالله لا عارف ده منو ولا ساكن وين بس ساعدتو واتفاجأتا لما طلعني نفس المبني الانتي ساكنه فيهو وعلي فكره انتي لما فتحتي الباب ما اتفاجأتي براك انا كمان اتفاجأتا لانو ما عارف ده بيتكم بس ما بينتا ليك 😊 اي عارف انك ساكنه في الحته دي بس ما اتذكرت بالضبط بيتكم ياتو ... قلتا ليهو سبحان الله .. قال لي ولما كنا في قطر ربنا قدر انك تتشاكلي مع ربيع وتطلعي من الفندق عشان الاقيك وربنا قدر انو انا ال اوصلك المطار بالتاكسي بتاعي لما كنتي مسافره !! صدقيني انا ما ح اقدر اصبر اكتر من كده وبعد الحاجات دي كلها انا لازم اجي لابوك رضيتي ولا ابيتي ... قلتا ليهو لاااااا وراق اصبر اتخرج بس دي اخر سنه لي 😭 قال لي طيب حاضر .. مرت شهرين ووراق اجازتو خلصت .. لما جا يسافر مشيت ودعتو 😢💔 وقعدتا ابكي مسح لي دموعي وقال لي انتي ليه محسساني اني ما جاي تاني 😢 قلتا ليهو ما تقول كده ياخ انا بس ح اشتاق ليك 😢 ضماني عليهو شديد وقال لي وانا ح اشتاق ليك اكتر والله 😢💜
مرت السنه وجا يوم تخريجي .. وانا ف الكوافير بتمكيج وراق اتصل لي قال لي وييين انتي ؟! قلتا ليهو انا ف الكوافير بجهز لانو الليله تخريجي 😒 قال لي عاارف يعني معقول انسي 😏 قلتا ليهو كان نفسي تحضر تخريجي 😭 قال لي وانا كان نفسي والله بس انتي عارفه ظروف شغلي !! قلتا ليهو تمام 😊
طلعت من الكوافير ومشيت لقيت التخريج لسه ما بدا قعدتا مع صحباتي .. لما بدا تسليم الشهادات اتوترتا وقلتا ليه اهلي ل هسي ما جو ؟! لما ندهو اسمي وعايزه اطلع المسرح لمحتا امي وابووي ويوسف من بعييييد ومعاهم وراق 😭😭😭😭💜

#يتبع



#حبيبي_الاسمراني14


لما ندهو اسمي وعايزه اطلع المسرح لمحتا امي وابوي ويوسف من بعييييد ومعاهم وراق 😭😭 ختيت يديني في وشي وقعدتا ابكي... وراق قرب مني وقال لي حتخربي مكياجك ي عبيطه.. قلتا ليهو انتا جيت متييين ؟ ابووي قال لي جا هسي ومشينا المطار جبناهو وجينا هنا ع طوول 🌚 طبعا اتفأجات يعني معقول ابوي الجابو من المطار ؟ معناها كان متواصل مع ابوي ؟ قلتا لابوي انا ما فاهمة حاجه 😢 قال لي والله الشاب ده شال رقمي من يوم جانا ف البيت وبعد فتره اتصل لي وقال عايزك وانا شفتو راجل ويستاهلك ف اديتو وقلتا ليهو هسي هي بتقرا ف الجامعه بس بعد تتخرج تعال واشوف رايها شنو وامس اتصل لي قال نازل السودان الليله وعايز يحضر التخريج ف مشيت جبتو .. عاينت لوراق وهو بتبسم عايزه اتكلم معاهو سمعتا ندهو اسمي للمره التانيه طلعت المسرح معاي امي وابوي واستلمتا شهادتي عايزه انزل يوسف قال لي دقيقه مستعجله مالك 😒
وقفت وانا بضحك وببكي في نفس الوقت من الفررحهه 😂😂😂 وراق جا علي وطلع خاتم ما جيبو ورفع حاجبو وانا فضلتا مبحلقه فيهو ومتفاجاه.. امي قالت لي اديهو يدك ..😂😂😂 مديت ليهو يديني الااتنين 😂😂😂
امي وابوي ووراق وصحباتي وكل الحاضرين قعدو يضحكو علي 😂😂😂 لما انتبهتا لنفسي نزلتا يدي اليسار.. لبسني الدبله واولاد دفعتي يصفرو ويضحكو فيني لسه ..
بعد لبسني دبلتي ولبستو دبلتو سمعتا صوت زول بقول لي امسكي يدو اتلفتي جاي شوويه ياخ وابتسمي اتلفتا لقيتو ولد شايل كاميرا وبصور .. وراق قال لي جبتا مصور قلتا م افوت اللحظات التاريخيه دي 😉❤ بعد خلصنا تصوير وجو امي وابوي اتصورو معانا .. وراق قال لي دقيقه .. شال يوسف واتصورنا احنا التلاته ويوسف في نصناا 💜 همس لي وقال لي شعور حلو ياخ عقبال م نتصور وولدنا في نصنا 😉💜 قلتا ليهو اميييييين ... بعد التخريج خلص رجعنا البيت ... تاني يوم جانا يوووسف قال لابوي بما انكم اديتوني ف بعد ده نحدد العرس وانا عارف انو مفروض اجيب اهلي وكده بس انا امي وابوي متووفييين وعلاقتي ب اهل ابوي ما علي قدر كده ف هل حتقبلوني زي ما انا ؟! ابوي قال ليهو خير يا ولدي في النهايه نحنا اخترنا راجل وصحي العز اهل بس من الليله نحنا اهلك ❤ وراق قال ليهو تسلم يا ابووي الله يديك العافيه ياارب ... امي قالت ليهم طيب انادي امونه .. 💜امي نادتني لبستا لي توب وقعدتا اتكشم ابووي قال لي اها المناسب معاك متين عشان نعمل العرس ؟! قلتا ل ابوي اي وقت تختارو انتا بناسبني ❤ ابوي قال لي بعد شهرر كويس معاك يا وراق ؟! قال ليهو كويس شديد 🔥❤ بعد يومين نزلوني دخان طوالي 😭😭💔
اتجرستاا واتضايقتا منو وقلتا لامي تاني م بتدخن بس جبرتني عليهو ..😢 زهجتااا ومع الايام الدخان عمل لي حساسيه وزياده علي ده جاتني البيريود ونفسيتي بقت ف الارض حتي وراق حسا بي 😭💔 في يوم قاعده لابسه شراباتي وجوينتاتي وزهجانه من الحبسه اتصل لي وراق قال لي اطلعي بره انا قدام بيتكم .. قلتا ليهو ما بقدر ياخ وبعدين امي ما حتخليني .. قال لي ما شغلي اتصرفي وتعالي !! قلتا لامي ماشه اجيب حاجات من الصيدليه وجايه قالت لي خلي انا بجيبهم ليك انتي محبوسه ما تطلعي .. قلتا ليها امي ياخ محبوسه شنو انا زاتي زهجتا من قعدة البيت بعدين انا ح اطلع مغطيه جسمي كلو يعني مافي زول حيعرفني اصلا 😢 قالت لي طيب امشي .. نزلتا ل وراق وركبتا العربيه وانا متضايقه قال لي مالك .. ع طول بكيت ليهو حضني وقال لي بسم الله مالك ؟ قلتا ليهو زهجتا من الدخان ياخ وبعدين عمل لي حساسيه 😢🔥💔 قال لي طيب وقفيهو لو بضايقك بس لو عايزه الحقيقه ريحتو وااااااييييي 😂😂😂 ضربتو في كتفو قلتا ليهو قليل ادب .. دور العربيه قلتا ليهو ماشين وين نحنا ؟ قال لي حبيبتي زهجانه وعايز اغير ليها جو فيها حاجه 💜 قلتا ليهو لا بس ما تأخرني لاني كذبتا علي امي اني ماشه الصيدليه ..قال لي اطمني تاني ما حتضطري تكذبي عشان تشوفيني لانو تاني ما حتشوفيني الا يوم العرس 🌚 قلتا ليهو ليه ؟😢 قال لي والله اهل امي في الشماليه اصرو قالو انو اجي اعمل حنتي وعزومتي هناك .. قلتا ليهو طيب ربنا يسهل ❤ مشينا شارع النيل قلتا ليهو انا استحالة طبعا انا انزل ب شكلي ده ؟
قال لي وانا اصلا ما عايزك تنزلي ح اخليك ف العربيه واجيب ليك قهوة ف مكانك قلتا ليهو طيب 😊 نزل جاب لينا قهوه وجا شربناها ودور العربيه نزل في صيدليه جاب لي اولويز ومرهم للحساسيه العملا لي الدخان ..😭❤ مشينا شويه تاني وقف العربيه في سوبر ماركت اشتري لي شيبس وشوكلاتات وبيبسي ونوتيلا ❤❤❤❤ قلتا ليهو وراق انا بحبك ياخ 💜 باسني في راسي وقال لي واقسم بالله انا بموت فيك ياخ ❤ وصلني البيت ومشي .. امي قالت لي اتاخرتي ؟ قلتا ليها اي في حاجات ما لقيتا في الصيدليه الجنبنا ف مشيت صيدليه تانيه 😢 دخلتا غرفتي ونفسيتي فل 😂😂😂 قعدتا اكل ف الشوكلاتات واتصل لي وراق اتكلمتا معاهو لمن نمتااا ف الخط 😢

#يتبع


اضغط علي التالي لتشاهد الحلقة التالية 


 #حبيبي_الاسمراني15


فضل اسبوع علي العرس وراق سافر لاهلو في الشماليه وانا بديت اجهز لانو خلاص دقت ساعه العمل 😂😂😂 ناس عمتي جو من قطر ومجبتي ومرتو جو معاهم وما شاء الله جو بي ولدهم كمان 😂❤ لما شفتو قلتا ل مجتبي ما شاء الله كبرتا وبقيت اب بس ولدك ما بشبهك 😏 قال لي اي بشبه امو 🐸❤

يوم العرس ولحظة العقد اتوترتا شديييد ولما اتصل لي وراق وسمعني العقد قعدتا ابكي 😭 قال لي بطلي بكا وقفل مني .. بعد ساعه كده اتصل لي تاني قال لي قلتي لي انتي في ياتو كوافير ؟! وصفتو ليهو قلتا ليهو بس لسه بدري ما حتسوقني من هسي الحفله المسا ي مخلوع 😏  قال لي عااارف يلاااا باااي ... نص ساعه كده جاتني البت الشغاله ف الكوافير قالت لي راجلك منتظرك بره 😉 فرحتاا وطلعتا ليهو نزل من العربيه وضمااني بقوه وانا ببكي وهو ببكي 😭😭❤ قال لي اقسم بالله انا اسعد واحد في الدنيا اليوم وما مصدق انك بقيتي مرتي وحقتي خلاص 😭😭💔 فضل حاضني قررريب نص ساعه 😂😂 لحدي ما جاتنا بتاعت الكوافير قعدت تضحك وقالت لي ممكن تجي عشان ابدا ليك لانو العصر قرب !! قلتا ليها تمام فكيت وراق مسح لي دموعي وباسني في راسي ومشي 💜😭
لحظه الحفله لما جا يسوقني وقف مساااافه بعاين لي وبتبسم بعد شويه قرب مني وقعد يقرت لي في المعوذتين قال لي ما شاء الله تبارك الرحمن ملااااك ربنا يحفظك لي ويغطي عليك وباسني في خدي❤ قلتا ليهو انتا كمان طالع جنتل بالبدله والسكسوكه رهيييبه 😉 مرتضي نزل من العربيه عاين لينا وابتسم وجا قال لينا لو خلصتو غزل ممكن نمشي لانو الحفله بدت ؟!😂😂 ركبنا العربيه ووراق طول الطريق يشاغل فيني ويهظر موتني من الخجل ياخ 😭😂❤ بعد وصلنا الصاله دخلونا ب اغنيه رامي صبري (مبروك علينا فرحتنا  الليله ي اعز الناس هنعيش دنيا لوحدينا .. اليوم ده يومنا ومين يلومنا عيشني يومين حلوين م اللي في خيالنا وهالله هالله هالله هالله قمر بجد ما شاء الله وهالله هالله هالله انا بين اديك بحلم ولاااا والله احلي فرحه الليله فرحه لامة كل العيله والله احلي فرحه الليله والدنيا في عيونا جميله )
لما وصل للمقطع بتاع ( مبروك علينا ياما اتمنينا ياما قلنا ياريت ياريت نبقي لبعضينا واهو انكتبلي تفضل في حضني الله يخليك خليك جنبي وقرب لي ) ❤ وراق ع طوول حضني وانا متااا من الخجل ياخ لانو قدام الناس كلهم 😭 بعد شويه فكاني وباسني في راسي ومسك يديني الاتنين وباسهم .وانا مدنقره راسي وخجلللاااانه..  اثناء ما نحنا بنرقص الاسلو همس لي في اضاني وقال لي انا بعشقك وان شاءالله ربنا يقدرني واسعدك ..قلتا ليهوو امييين ❤ رفع راسو مني واشر ل مهتدي ب اصبعو وشغل اغنيه تامر عاشور ( انتا  يا اللي خدت قلبي من الزمان ومن اللي فيه .. خدت قلبي لدنيا تانيه احلي م اللي حلمت بيه احلي عمر انا عشتو قبلك والحنان عندك كتييير هو في كده زي قلبك لسه في في الدنيا خيييرررر عمري م انسي انا قبلك كنت فييين ومعاك بقيت انا اييييه انا باقي ليك ولحدي ما عمرري الدقيقه هفضل ي حبيبي معاك وهعيش واموت بهواك انا ليا مين غيرك حبيب عمرررري )💜 لما الاغنيه خلصت دمعتي نزلت وبقيت ابكي وراق مسح لي دموعي وقال لي حتخربي المكياج وحترجعي جعفر بطلي بكا 😂😂😂 ضحكني الوسخ 😹😹 بعد الحفله ولما جو يعملو لينا الجرتق وغطونا ب القرمصيص قال لي يا سلاام دي فرصتي .. قلتا ليهو فرصة شنو ؟! قرب مني وباسني لمن اتخلعت 😂 فضيل يبوس فيني قريب ال 5 دقايق بعدها فكيتو وقلتا ليهو اخجل هسي حيشيلو الغطا عشان يجرتقونا 😉 قال لي م بخجل مش مرتي 😏 فضل مقرب مني وبتغزل فيني وانا بتبسم لحدي ما رفعو مننا الغطا ونحنا لسه منسجمين ةم جايبين خبر فجأة نسمع ليك اهلنا كلهم بضحكو فينا بصوت عالي 😂😂😂 انا متاا من الخجل وهو قعد يتبسم وسكت 😂 عنددو صحبو اسمو (علاء) قال ليهو يا زول ما تصبر وتركز ده شنو 😒 وراق قال ليهو بصوت عااالي غلبني 🐸
بالله الناس دي ماتت من الضحك قال لامي فكفكونا سريع عليك الله عايز اسوق مرتي .. قرصتو قلتا ليهو اخجل من امي قام سكت 😂😂امي ضحكت عليهو قالت ليهو حاااضرر 😹😹 عملنا الجرتق ومن الصاله للمطار ع طووول لقطررر 😌 ف الطياره قال لي حقك علي عشان ما وديتك شهر عسل بس انتي عارفه ظروف شغلي وقبل كده اخدتا اجازه تاني ما حيدوني قريب عشان كده ع طول حننزل بيتنا بس اوعدك ان شاء الله ح اعوضك وح اعمل ليك شهر عسل في وقت تاني بإذن الله ❤ قلتا ليهو ما مشكله حبيبي طول م انتا معاي انا مافي شي بفرق معاي لا شهر عسل ولا غيرو .. جراني ف حضنو ونمتاا ما صحيت الا لما الطياره نزلت ووصلنا المطار .. من المطار مشينا البيت قبل ما ادخل قال لي دقيقه .  دخل الشنط وجا شالني 🙈❤

#يتبع


#حبيبي_الاسمراني16


قبل ادخل البيت قال لي دقيقه .. دخل الشنط وجا شالني .. بعد دخلني الغرفه ورقدني في السرير قال لي اخخخخ ضهري حيتكسر انتي لما كنتي محبوسه كنتي بتاكلي شنو ؟ ما شاء الله بقيتي بقره 🐸 قلتا ليهو الله اكبر عليك حتسحرني .. قال لي ما تخافي انا بخاف عليك حتي من نفسي ولو عاينتا ليك ساي بقرا المعوذتين لاني بخاف اسحرك 😉 قلتا ليهو لا ي شيييخ .. جا واقع جنبي في السرير وقرب مني قال لي وحياتك ❤ عايز يبوسني اتلفتا منو قلتا ليهو انا تعبانه عايزه انوم 😌 جراني ناحيتو وحضني شديييد قلتا ليهو عارف اني بكون مرتاحه وحاسه ب امان لما تحضني ...❤ حضني عليهو اكتر قلتا ليهو براحه حتخنقني 🐸 فكاني طوالي جيت حضنتو تاني 🙈🙈 ياخي صدرو عرريض وواسع وحاجه كده استغفر الله بس ❤🐸 نمتا وهو حاضني عليهو للصباح ❤❤  لما صحيت لقيتو لسه نايم مشيت فتحتا شنطتي وطلعتا لي بجامه طويله ( فنيله رماديه وبنطلون كحلي ) استحميت ولبستها وسرحتا شعري وجيت رقدتاا جنبو ... بعد صحي قرب مني وهو مغمض عيونو وحضني من ورا عملتا فيها يادوب صاحيه .. قال لي عايني عارفك صحيتي قبلي حركات العروسات دي م تعمليها لي 🐸 وقومي ارح ناخد دش ... قلتا ليهو لا مستحيل اخد دش براك انا سبقتك 😏 قال لي كووييييسس قام من السرير ورفع مني الغطا لقاني لابسه بجامه شالني وقال لي لابسه لي بجامه من اول يوم ؟ قلتا ليهو نان دايرني البس شنو 🐸
قال لي والله انا من البدايه ضد فكرة الهدوم البشيلوها العرسان معاهم دي مفروض الناس تمشي ساي هو سموهو شهر عسل لشنو 🐸 بس وقت لبستي البسي ليك حاجه عديلهه .. قلتا ليهو تمام بس نزلني عشان اغير نزلني فتحتا الشنطه طلعتا عبايه ولبستها  كان دسيتا يوم رتبو لي حاجاتي امي م شافتا 😂😂😂😂 قال لي بصوت عاااالي ده شنوووو ؟ يعني انا اصوم وافطر ع بصله 🐸 عايني اقسم بالله انا بحبك وبعشق امك واي حاجه لكن ما تستغلي حبي وتتعولقي لي من اول يوم ... ادخل الحمام واجي القاك ما لابسه حاجه 🐸 قلتا ليهو شنووو ؟! قال لي قصدي يعني القاك لابسه حاجه احسن قلتا ليهو تمام ... خليتو دخل الحمام وقعدتا اضحك قلتا الليله الا اشحتفو 😂😂😂 فتحتا الشنطه ولبستا بفوق للعبايه توب .. جا طالع من الحمام لقاني لابسه التوب قال لي انتي عايزه تجننيني 😏 قلتا ليهو لا بس ما عندي لبس غير ده 🐸 مشي فتح الشنطه وقعد يطلع في قمصان النوم .. طلع لي واحد اسود كده فوق الركبه وفاتح بالجنبات قال لي وااااييي لو لبستي ده انا ح اموووت وقتي 😢🔥❤ قلتا ليهو ما هو عشان انتا ما تموت انا ما ح البسو 😏 جا قعد جنبي وقال لي طيب براحتك واتلفت مني ورقد .. لما زمن الفطور جا نزل جاب لينا فطور وجا .. فطرنا تاني رقد عرفتو بعمل في حركات عشان يخليني اغير بس قلتا لازم اشحتفو 😂 وقت الغدا نفس الشي اتغدا ورقد بالجهة التانيه
بالليل كده طلعتا التوب وجيت قعدتا جنبو شفتو صلح قعدتو الوسخ 🐸😂😂 بعد شويه طلعتا العبايه قام علي حيلو قال لي اساعدك تطلعي البجامه 🐸 قلتا ليهو لااا هو القال منو انا عايزه اطلعا انا عايزه انوم 🐸 قمتا ع حيلي نزلتا من السرير قام وراي وحضني قال لي انا بعشقك ❤ وبعدين البجامه دي زاتا مجهجهاني وعامله شغل عجيييب اتصرفي 🔥 هو بصراحه البجامه كانت ضيقه فيني ومبينه جسمي 😂😂😂😂 اتلفتا عليهو قلتا ليهو دقيقه بس جاياك 😉❤ دخلتا الحمام لبستا الروب الاسود غايتو كان اوووفر 😭❤🔥 سرحت شعري وفكيتو واتمكيجتا واتعطرتا واتبخرتا وجيت صحيتو .. فضل مغمض عيونو مسااافه وهو بشم ف ريحة البخور بعد شويه فتح عيونو وشافني قال لي يااااا لطيييييييييف 😭😭❤ مش قلتا ليك انتي حتقتليني ب يوم 🐸 ضحكتا جراني عليهو وقعتا فيهو رقدني في السرير وبقي بعاين فيني بعد شويه مسك يدي وباسا وقال لي انا بحبك جدا جدا عارفه ؟!❤ قلتا ليهو عارفه وانا بموت فيك ياخ 😭🔥 قرب مني اكتر وباسني في خدي قلتا ليهو وراق ياخ لحيتك بتدغدغني 😂😂😂😂 بقي يدغدغ في خدودي ب لحيتو وانا بضحك 😂❤ رجع تاني باسني وحصل الحصل ..🔞🔞

#يتبع


#كسره

تاني يوم الصباح هو صحي قبلي وانا للساعه 11 م صحيت 😂 صراحه كنتا تعبانه شديد 😭 زي الساعة 12 كده صحيييت لقيتو صاحي وراقد جنبي وبعاين لي وبتبسم ... قلتا ليهوو صبااح الخييير انتا صحييت متيين ؟ قال لي انا صحييت لي 3 ساعات بس ما صحيتك لاني عارفك تعبانه وما نمتي كوييس امس ..! قلتا ليهو اي والله .. عايزه اقوم كده امشي الحمام بس ما قدرت امشي 😭😭💔 ورااق قعد يضحك قال لي مالك ؟ قلتا ليهو ب نهرة انتا عارف انا مالي 🔥😭😡 جا جنبي وقال لي هههه اسف حقك علي وهوووب شالني دخلني الحمام .. قلتا ليهو خلاص نزلني سعيك مشكور 🌚 قال لي اه وووووين يا زوله ح احميك 😎 قلتا ليهو يلا ي قليل ادب ح استحماا براي اطلع بره 😂😂 قال لي طيب براحتك كنتا عايز اساعد بس 😏 قلتا ليهو كلك ذوق يلا بره 😏 طلع من الحمام استحميت وغيرت وطلعتا بره ياخ حتي ما قدرتا اسرح شعري المنكوش من المعركة الحصلت امس 😂😂😂😂😂 فكيتو بس ورقدتا جاا غطاااني ومسك يدي قال لي اعفي لي عارف اني امس عصرتا عليك شديد بس ما بيدي والله 😢 قلتا ليهو ما مشكله 😢 قال لي طيب ح اجيب المشط والفرشه عشان الم ليك شعرك المنكوش ده
قلتا ليهو لو بتعرف ما عندي مشكله بس لو حتبشتني اوعك تجرب قال لي والله ما بعرف ولا بكذب عليك لكن بجرب فيك مش انتي مرتي 😂😂😂 مشي جاب المشط ومسك شعري لمن صرختاا قلتا ليهو انتا عايز تمعطني ولا شنو ؟؟ خليهو ما عايزه اسرحو .. قال لي دقيقه طيب ح اسرح براحه .. بعد خلص عملو لي كعكه وحده وجابا لي فوووق 😂😂😂😂 قلتا ليهو ده شنووووووو ؟؟! قال لي انا عارف ؟ شايف البنات في التلفزيون برفعوهو كده 🐸 قلتا ليهو هم فعلا برفعوهو بس ما بالطريقه دي ياخ انا حاسه بيهو في جبهتي 😂😂😂😂 فكاهو ونزلو لي ورقدني في المخده وجا رقد في رجليني ... قال لي عايز أسألك سؤال بس خايف تزعلي مني او تتضايقي .. قلتا ليهو ما تخاف انا ما بزعل منك انا بحبك أسأل السؤال العايزو 💜 قال لي كنتا عايز أسألك من امس بس ما كنتي واعيه ف قلتا أسألك الصباح 😂😂😂 قلتا ليهو أسأل ياخ 🐸 قال لي اممممممم يعني انا لقيتك .. قلتا ليهو لقيتني شنو ؟! سكت قلتا ليهو وراق اتكلم ياخ .. قال لي يعني كيف انتي لسه بت و.. قاطعتو وقلتا ليهو ايواه فهمتك ... انا وربيع ما حصل بينا شي وانا ابدا ما خليتو يقرب علي ويوم انتا لاقيتني قدام الفندق انا كنتا هاربه منو لانو حاول يعتدي علي ويجبرني علي حاجه انا ما عايزاها .. قال لي يعني انتي اتزوجتيهو بالغصب ؟ قلتا ليهو لا بس بعد عرستو اكتشفتاا فيهو حاجات ما كنتا متوقعاها وسكتااا 😢
قام من رجليني ورقدني في رجلينو وباس راسي وقال لي انا اسسسف لاني ذكرتك بحاجات قديمه مفروض انها ماتت خلاص بس كنتا لازم أسألك لانك ما حصل حكيتي لي الحاجه دي قبل كده .. قلتا ليهو ما مشكله حبيبي !! قال لي طيب قوومي البسي وارح نفطر بره 😍😍😍❤ عاينت ليهو بطرف عيني مسااافه وم رديت عليهو 😒😒😒😒😒 ضحك ضحكة قوووووويه وقال لي اسف اسف اقسم بالله نسسسسسسيت 😂😂😂😂😂😂😂🐸🔥🔞 باسني في خدي وقال لي حقك علي ح انزل اجيب اكل من بره 😂😂😂 قلتا ليهو خلاص ع بال م تجي انا ح انوم لانو جسمي كلو واجعني والله 😂 قال لي سلامتك من الوجع حبيبي طيب نومي انا طالع ... وبالمناسبه لما كنتي نايمه اتصل لي مرتضي قال امك رسلت معاهو شنطه حقتك نسيتيها هناك .  قلتا ليهو شنطه شنو دي كمان .. قال لي ما عارف وقلتا ليهو تعال البيت جيبا بس قال ما بدخل حينتظرني بره اشيلا منو 😂 قلتا ليهو تمام .. قال لي خلي الباب فاتح ح ادخل الشنطه وانزل ع طول اجيب الاكل قلتا ليهو تمام ... وراق نزل لاقي مرتضي وشال منو الشنطه دخلا البيت ونزل تحت بس نسي يقفل الباب كويس .. انا نمتااا بعد ربع ساعه كده صحيت بصوت باب الغرفه بيفتح عاينتا ما شفتا زول قعدتا انادي في وراق ما رد لي قمتا ع حيلي طلعتا من الغرفه حسيت بزول مسكني من نصي بيد وقفل لي خشمي ب يدو التانيه 😭😭😭💔

#يتبع




اضغط علي التالي لتشاهد الحلقة التالية 


 #حبيبي_الاسمراني18


قمتا علي حيلي طلعتا من الغرفه حسيت بي زول مسكني من نصي ب يد وقفل لي خشمي ب يدو التانيه ... فضلتا اصارع واحاول اتفك منو عشان اعرف ده منو بس ما ادانب فرصه وفضل حاضني بقوه من ورا وقال لي ما اشتقتي لي ؟؟ طيب الريحه دي ما غريبه عليك ؟! وووووااااي ربييييع 😭😭😭💔 قال لي ااااي ربيع الابيتيهو وخليتيهو وهسي جاي ياخد حقو منك 😏 قلتا ليهو حق شنو فكني ياخ حرام عليك انتا م بتخجل من نفسك انا في ذمة راجل تاني 😭😭😭 رماني في الارض وبقي مثبتني وببوس فيني وانا بصارع فيهو فكيت منو يد وخربشتو في وشو وطبزتو في عينو فكاني عايزه اجري ع ادخل الغرفه اقفلا علي لحقني وقبل يصلني وراق جا داخل 😭😭😭 قعدتا اصرخ وراق جاني جاري ربيع عتر ليهو ب رجلو رماهو ف الارض ودخل لي جوه وقفل الغرفه 😭😭 وراق بقي يصرخ فيهو من بره ويسب ليهو حاول يفتح الباب بس ما فتح وربيع بيجاي رماني في السرير وعايز يغتصبني 😭😭 في اللحظه ديك وراق كسر الباب ومسكو نزل فيهو ضرب 😭😭 ياخي ضربو ضرب لدرجه انو مابسو كلها بقت دم وانا خفتا يموت في يد وراق ووراق يروح فيها 😭😭 قعدتا ابكي وارتجي قي وراق يفكو بس هرشني وقال لي اطلعي بره الغرفه دي لاني ح اقتلو ح اقتلو 😭 حاولتا افك وراق منو بس نفضني ووقعتا
وراق بقي يخنق فيهو لمن طلع دم بخشمو وانا خفتا شديد وقدر ما حاولتا افك وراق منو ما قدرتا لحدي ما وقعتا واغمي علي حتي وراق فكااهو وجا شالني ختاني في السرير 😭😭😭 وربيع بقي يتنفس بصعوبه وراق جا مسكو من رقبتو وقال ليهو اقسم بالله العلي العظيم تاني تقرب منها ولا تجي ناحيه بيتنا ساي بقتلك يا كلب وجراهو رماهو في السلم بره البيت 😭😭 جا داخل رشاني ب مويه صحيت وقعدتا ابكي بصووت 😭😭 حضني وقال لي اسف حقك علي انا نسيت الباب فاتح وهو جا داخل بس اوعدك تاني ما حيقرب عليك أبداً رووقي 😭 قلتا ليهو انا خايفه منو ربيع ده مريض نفسي 😭 قال لي طوول ما انا معاك م تخافي وصدقيني لو ما وقعتي كنتا قتلتو وما كنتا ح اندم أبداً لانو انا ما بتحمل واحد تاني يعاين ليك فما بالك بواحد بحاول يلمسك 💜😢 مسح دموعي ودخلني الحمام غسل لي وشي ووداني الغرفه التانيه رقدني وقال لي ارتاحي ح ارتب غرفتنا لانها جاطت 😢 ما قدرتا انوم من الرعب والخووف الدخل فيني .. رتب الغرفه وجا قال لي انتي م فطرتي وانا ما ح اقدر انزل اخليك براك عشان كده ح اطلب الاكل دليفري... قلتا ليهو لا ما عايزه 😭😭💔 قال لي لا انتي حتاكلي ح اطلب ليك بيتزا عارفك بتحبيها .. قلتا ليهو وراق انتا لسه متضايق واضح علليك لدرجة انو عيونك لسه زي الشرار وعروق وشك ظاهره ..قال لي اتضايقت شديد لدرجه ما تتخيليها بس الحمد لله جيت في الوقت المناسب ولحقتك وانسي الحصل ما تفكري فيهو انا معاك وما حيقدر يقرب ليك تاني 💜
قلتا ليهو انا ماف شي مطمني غيرك انك معاي وان شاءالله ما اعدمك 😭😭😭😭❤ بس انا عايزه اعرف ربيع عرف بيتنا كيف وجاا هنااا ؟! قال لي اكيييد بكون شاف مرتضي لما جاني قبيل ولحقو ما تفكري في الموضوع كتير وارتاحي ..انا ح اتصل اطلب الاكل ... بعد 15 ساعه الاكل وصل وراق مشي فتح الباب .. جاب لي بيتزا وبيبسي وجا قعد جنبي في السرير عايز يأكلني قلتا ليهو بالجد م عايزه م عندي نفس 😭😭😢 ضماني مساااافه قعدت ابكي قال لي البكا لشنو مش قلنا ننسي الحصل ؟ قلتا ليهو ما قادره ياااخ ... قال لي لا حتقدري وطول ما نحنا سوا حتقدري تتجاوزي اي حاجه ❤ وعشاني بسسس اكلي 😢 اكلتا منو شويه واكلتو 😂 بعدها لم الاكل وقال لي يلا نرجع غرفتنا بعد ده قلتا ليهو خليني هنا احسن ... قال لي طيب براحتك .. جا رقد جنبي ونومني في حضنو وغطاني معاهو ....
نمنااا وما صحينا إلا المغرب .. مررت شهرين على زواجنا وكانو اجمل شهرين ف حياتنااا ❤ صح ما سافرنا شهر عسل بس قضينا اجمل شهر عسل في بيتنا 🙈🔞❤
في يوم قاعده برااي وزهجانه ووراق طبعا نزل شغل .. المهم لما جا من الشغل لقاني قاعده ومنفسنه قال لي حبيبتي مالا زهجانه وريني الزعلك منو 😢 قلتا ليهو بهمك زعلي يعني ؟ قال لي هوووي انتي زعلاانه جد جد مالك في شنو انا عملتا ليك شنو احكي 🌝 طوالي انفصمتا فيهو وقلتا ليهو انتا طول اليوم شغال وانا قاعده براي وزهجانه حتي ناس عمتي ما بتخليني امشي عشان م اصادف ربيع وحتي طلعات ما قاعدين نطلع وانا اشتقتا ل اهلي ياخ وطوالي بديت بكا 😭😭💔 قعد جنبي وضماني عليهو قال لي اسف ياخ حقك علي فعلاً انا مقصر معاك وعشان كده قومي البسي نطلع نتغدا بره .. قلتا ليهو م عايزه م عندي مزاج 😒 قال لي هسي مش قلتي زهجانه من قعدة البيت ؟! قلتا ليهو اي زهجانه من قعدة البيت وزهجانه من البيت وزهجانه منك انتا زاتك ياخ وطوالي فكيتو دخلتا غرفتنا قفلتها علي ....

#يتبع

#حبيبي_الاسمراني19


وطوالي فكيتو دخلتا غرفتي وقفلتها علي لحقني وبقي يدق في الباب بس ما فتحتاا ليهو قعد جنب الباب وبقي يتكلم معاي .. قال لي طيب انا اسف وحقك علي عارف اني مقصر معاك بس اديني فرصه .. فتحتا الباب وحضنتو قلتا ليهو انا اشتقتا ل اهلي 😭 قال لي انتي يادوب ليك شهرين معاي وبعدين انا برضو مش اهلك 😢💔 قلتا ليهو انتا كل حاجه بالنسبه لي بس انا زهجتا وما قادره اقعد هنا 😭😭 قال لي طيب ف اقرب فرصه ح احاول القي حل للقصه دي ... قلتا ليهوو طيب ..
في يوم جا متأخر من الشغل قلتا ليهو ما كان تجي 😒 قال لي يعني انا بمزاجي اكون بعيد منك طول اليوم ؟ قلتا ليهو ده الواضح لي .. جا مسك يدي وقال لي انتي الايام دي مالك ؟ حاسك متغيره وما زي اول وع طول متضايقه وزهجانه وانا بحاول بقدر الإمكان اخليك مبسوطه بس انتي ما بتديني فرصه وحتي بقيت احس انك ما بقيتي تحبيني زي اول ! قلتا ليهو مافي كلام زي ده .. قال لي طيب قومي خلينا نتغدا .. قلتتا ليهو م عملتا غدا 🐸 قال لي م مشكله ح انا اعمل ليك احلي غدا ... دخل المطبخ عمل كفته وكباب وجابهم قال لي يلا ناكل .. قلتا ليهو م عايزه .. جيب لي جبنه واندومي بس ... نزل جابهم لي قعدتا اكل قال لي برضو ما عايزه تتغدي معاي ؟ قلتا ليهو وانا هسي بعمل في شنو ؟ الفرق بس انا باكل في اندومي وانتا بتاكل في كفته وكباب  😒 قال لي طيب براحتك 😒

بعد شهر كده جا من الشغل لقاني نايمه وغرقااانه ف النوم .. صحيت بعد المغرب طلعتا بره لقيتو بشاهد في التلفزيون قال لي صباح الخير 🐸 قلتا ليهو وينو الصباح م تتعاور 😏 قال لي بهظر معاك مالك بقيتي مسيخه كده 😢 م رديت ليهو وجيت قعدتا جنبو ختيت يدي في خدي وبشاهد قال لي في شيبس هناك شيليهو جبتو ليك معاي قبيل .. مشيت شلتو وقعدت اكل جا قرب مني وختا يدو في كتفي وبقي يعاين في التلفزيون فكيت يدو وقعدتا بعيد ... قفل التلفزيون وجا مسكني من يدي قال انتي مالك الايام دي ؟ قلتا ليهو م عارفه انا داخله انوم .. نمتاا وبالليل كده حسيت بيهو جا رقد جنبي .. قربتا منو وحضنتو اتلفت علي قلتا ليهو وراق انا بحبك 😭💔 قال لي وانا كمان بحبك ي روح وراق بس وريني وما تخبي علي انتي المضايقك شنو ولو في حاجه مزعلاك مني قولي 😢 قلتا ليهو مافي حاجه والله وانا اسفه .. قال لي ما مشكله فضل حاضني وبونس فيني بعد شويه قرب مني عايز يبوسني زحيت منو 😢 جراني عليهو قال لي لا في حاجه بتخليك تبعدي مني كل ما اقرب منك في شنو ؟ قعدت ابكي قلتا ليهو والله مافي حاجه وانا زاتي م عارفه انا مالي 😭 قال لي طيب ما تبكي انا اسف نومي .. تاني يوم قال لي امس اتصل لي مرتضي وقال عازمننا يوم الجمعه ف البيت قلتا ليهو طيب الله يحيينا ليوم الجمعه.... لما جا يوم الجمعه صحي لقاني قاعده منكوشه وزهجانخ واخلاقي في نخرتي جا باسني وقال لي صباح الخير قلتا ليهو صباح النور .. قال لي اها مالك من الصباح ؟ قلتا ليهو ما لي .. قال لي طيب قومي اجهزي عشان نمشي ناس عمتك .. قلتا ليهو حنمشي ليهم من الصباح ؟ قال لي وينو الصبااح الساعه عملت 12 قلتا ليهو امشي انتا انا م قادره .. قال لي امشي كيف بدونك هي عمتك ولا عمتي بعدين لينا 4 شهور من اتزوجنا وما حصل مشينا قيلنا معاهم ما شينه مننا ؟! قلتا ليهو انتا عارف اننا ما قاعدين نمشي ليهم بسبب ربيع وهم عارفين كده ومتفهمين تاني مالك ؟ قال لي يا زوله الليله لازم نمشي ليهم بغض النظر عن اي حاجه يلا قومي اجهزي .. قمتا ع حيلي وهجتا فيهو قلتا ليهو م عايزه امشي ياخ امشي انتا وخليني هنا .. اتخلع طبعا وقال لي : كويس المشيه خليناها بس انا ما ح اخليك الا اعرف انتي مالك ؟!! لي تلاته شهور متحملك ومتحمل زهجك وعصبيتك وتصرفاتك البقت م مفهومه بي لحدي هنا كفايه في شنو ي امونه الحاصل معاك شنو .. ع طول فكيت البكيه قال لي خلاص خلاص ما تبدي البكااا .. دخلتا جوه وخليتو بعد شويه لبستا وطلعتا قلتا ليهو انا جاهزة ارح قعد يضحك قال لي انتي اقسم بالله عندك نفسيات هسي مش زهجتي وقلتي م ماشه ؟! قلتا ليهو هسي ح اغير رايي 😡😡 قال لي خلاص وعلي شنو ارح .. مشينا ناس عمتي ووراق قعد يتونس معاهم اما اناً خشمي م فتحتو قاعده وبعاين فيهم بس لمن كلهم لاحظو علي .. مجتبي قال لي مالك الليله زايمه وم مديانا وش 😒 وراق ده مزعلك ولا شنو 😒 وراق قال ليهو انا اقدر برضو  والله م زعلتها ابدااا ... عمتي قالت لي ومالو لونك ده قفل كده ي بت 😒 م رديت ليها جات مرت مجتبي قالت لينا ارحكم الغدا جاهز 💜 قعدنا ناكل لقيتهم طابخين خدره وانا بحبهاا جدا جدا وطولتا منها شديد ف استلمتها وبقيت اكل ب نهم لمن وراق استغرب فيني وبقي يعاين لي 😂😂😂😂 بعد شويه حسيت بطني طمت وعايزه ارجع قمتا من الصفره وجري علي الحمام .. طلعتا من الحمام لقيت عمتي ووراق في وشي عمتي قالت لي مالك ؟ قلتا ليها بطني طامه وراسي لافي ورررررب وقعتا في وراق .... صحيت لقيت نفسي في المستشفي ووراق ماسك يدي قال لي يعني الزهج والنفسنه ونكششه الشعر والحركات ديك كلهااا كانت بسبب الحمل 😍😍😍❤ قلتا ليهو حمل شنو 😒 عمتي قالت لي عاد م بسألك يا بتي حامل ليكي 3 شهور وم عارفه نفسك ؟😢 قلتا ليهاا كييييف ؟! وراق قعد يبكي وباس راسي قال لي مبروك علينا وربنا يتمم حملك بالسلامه يارب ما تتخيلي انا مبسوط قدر شنو بالخبر ده 😭😭 قعدتا ابكي وقلتا ليهو وراق انتا جااادي انا حامل 😭💔 عمتي قالت لي اي والله  ولو وراق كان وراني ب حركاتك البتعمليها ليهو في البيت ديك كنتا قلتا ليهو علي طول انك حامل لانو انا زاتي زمان لما احمل بزهج في اقل حاجه وبتضايق وحتي راجلي بكرهوو عشان كده كنتا بقضي شهور الحمل الاولي عند ناس امي ... لما قالت كلمة امي قعدتا ابكي قلتا ل وراق وديني ل امي 😭😭 قال لي ان شاء الله ف اقرب وقت وحتولدي عندها كمان 😍❤ قلتا ليهو قول والله 💜💜 قال لي وحياتك وحالياً خليني اتصل ابشرااا .. اتصل لناس امي سلمو علي وباركو لينا .. امي وابوي كانو مبسوطين شديد .. امي لمن بكت 😂😭💜 ادوني سلمتا علي يوسف قلتا ليهو يويو انا ح اجيب بيبي 😍 قال لي يعني انا ح ابقي عمو ❤
قلتا ليهو م عمو ي غبي خالو 😂😂 قعد يضحك قال لي طيب حتجيبيهو متين ؟؟ قلتا ليهو بعد 6 شهور ان شاء الله لو ربنا كملو 😍❤ عمتي قالت لي ان شاء الله يكملو يارب 💜 وراق قال ليها امييين ان شاء الله .. عمتي قالت ليهو طيب يا ولدي م تخليها عندي الايام دي تغير جو وترتاح منها شويه وبعدين تعال سوقا ؟! قال ليها ياريت والله يا عمتي بس ما بقدر لانو انتي عارفه الظروف.... قالت ليهو عارفه بس م تخاف مافي شي بجيها وربيع م بقدر يقرب منها .. قال ليها طيب ❤ وراق من المستشفى وداني بيت عمتي ومشي البيت 💜 قعدتا معاهم اسبوع بس وبعدها قلتا ليهو انا ماشه بيتي 😂😂 مرت مجتبي قالت لي اشتقتي لراجلك ولا شنو 🐸 قلتا ليها اي 😂😂😂 عمتي قالت لي خلاص براحتك انتظري مهتدي يجي يوديك .. قلتا ليها لالا ما مشكله بتصل ل وراق يغشاني من الشغل .. قالت لي اجييي مستعجله قدر ده ؟ طيب بعد تمشي بيتك اهبطي شويه وم تنكدي علي ود الناس قعدتا اضحك قلتا ليها تمام يا عمتي 😂😂😂😂 اتصلتا ل وراق وبعد خلص شغل جا ساقني ورجعنا البيت ❤❤ من دخلنا وقفل الباب ضماني بقوه وقال لي اشتقتا ليك ياخ معقول اسبوع كامل م اشوفك 😢💔

#يتبع



اضغط علي التالي لتشاهد الحلقة التالية 

 #حبيبي_الاسمراني20


من دخلنا وقفل الباب ضماني بقوه وقال لي اشتقتا ليك ياخخ معقول اسبوع كامل م اشوفك 😢💔 قلتا ليهو هو اسبوع واحد بطل جرسه 😏 قال لي ياخ مشتاق ليك شدييد م تجيبي بوسه ؟ 🐸 بوستو سريع سريع وزحيت منو جراني عليهو وباسني بوسه طوويله بعدا فكاني قال لي الناس بتبوس كده مش زي بوستك دي 😒 ضحكتا عليهو ودخلتا غرفتنا 😂😂😂 لحقني وقعد يونس فيني وكيف انو فقدني وقضي الاسبوع كيف بدووني 💔 قلتا ليهو خلاص اتاثرت كفاايه 🐸 قال لي والله اكل ما كنتا باكل صدقيني لو كنتي غبتي اكتر كان لقيتيني ف المستشفى 😢💔 قلتا ليهو تبرا حبيبي من المستشفي .. قال لي اكون واضح معاك من هسه تاني ما ح اخليك تغيبي عني ابدا ومحل ما اكون انتي تكوني فاهمة ؟ قلتا ليهو طيب ؟! تاني يوم بعد وراق مشي الشغل باب البيت دق .. استغربتا ده منو الجاااييني ده ؟ فتحت الباب لقيتو ده مرتضي سلمتا عليهو وفضلتا واقفه وموقفاهو في الباب قال لي عارف وراق مافي بس كمان من حقي اتطمن علي اختي وبت عمتي ولا كيف ؟ لما قال كلمة اختي اتطمنتا شويه وخليتو يدخل .. قال لي امي كلمتني امس انك حامل وصراحه فرحتا ليك شديييد وجيت اابارك ليك وجبت هديه للبيبي😍 قلتا ليهو ما كان في داعي والله ليه تعبتا نفسك ... قال لي انتي من متين بتتكلمي معاي بالرسميه دي ؟ من زمان انا بجيب ليك انتي وكنتي بتتبسطي شديد وعادي بتطلبي مني اي حاجه عايزاها هسي الاتغير شنو ؟ مش عادي اجيب لولدك زي ما كنتا بجيب ليك ؟
سكتااا ما رديت ليهو قال لي عارف بتفكري في شنو بس عايزك تطمني وتريحي بالك واعرفي اني شلتك من بالي واعتبرتك اختي من يوم اتزوجتي وبقيتي في ذمة وراق ❤ ابتسمت ليهو وقلتا ليهو دقيقه راجعه .. مشيت جبت ليهو عصير وقدمت ليهو شوكولاته 💜 قلتا ليهو اها ما عايز تخطب وتفرحنا ♥♥ قال لي والله ما فكرت ف الموضوع لسه لاني ما لقيت الزوله المناسبه .. قلتا ليهو ان شاءالله ربنا يجمعك بيها قريب ونفرح بيك يارب ♥ قال لي امييين كتري من الدعوات بس قلتا ليهو ان شاءالله م بقصر ♥ بعدها قعد ااتونس معاي شويه واستأذن مني وطلع ... بالجد ارتحت شديد وما كنتا عايزه احس بشعور الذنب تجاهو وانو لسه بحبني وكده بس بعد كلامو ده ارتحتا 💜 وراق لما جا من الشغل لقاني قاعده ف الصاله والحاجات جنبي قال لي انتي نزلتي السوق ؟ قلتا ليهو لا الحاجات دي جابا مرتضي ي حليلو قال هدية البيبي ❤ قال لي ياا سلاام عليهو عقبال نفرح بيهو ونهديهو كل السمح ياخ 😍 قلتا ليهو امييين يارب .. قال لي اها البيبي ما متعبك 😎 قلتا ليهو لسه اصبر يكبر شويه ولا عايزو يتعبني من هسي 😏 قال لي اهااا عايزه تبدي المشاكل صح 😒 قلتا ليهو قصدك انا بتاعت مشاكل ؟ قال لي روقي انا ما قلتا كده .... قلتا ليهو ما ياهو كلامك كده 😏 خلاني ودخل الغرفه لحقتو قلتا ليهو انتا بتطنشني صح ؟ قال لي والله ما بطنشك بس ما عايز اتناقش معاك لاني عارف وضعك وسبب زهجك 😒 دخلتا غرفتي عملتا فيها زعلانه ونومتا 😂😂😂😂💔 جا قرب مني قلتا ليهو زح مني ما عايزه معاك كلام 😒😒 طلع وخلاني اتغظتاا منو غيظ 🐸 دخلتا الحمام استحميت ولبستا لي قميص قصير وعاري ونكشتا شعري وجيت رقدتا .. قعدتا افكر فيهو وما حسيت بنفسي لمن اخدتني نومه ونمتاا..
صحيت الساعه 7 كده لقيت الغرفه مضلمه قلتا معقول انا نمتا للزمن ده ؟ وليه وراق ما صحاني ؟ قمتا علي حيلي عايز ه اطلع من الغرفه لقيتا مقفوله علي بي بره دقييت الباب شدديييد وناديت ليهو يفتح لي بس ما رد ولا جاني فتشتا تلفوني عشان اتصل ليهو اتذكرتا اني خليت التلفون بره 😡😡 زهجتااا واخلاااقي ضااقت قعدتا اصرخ وانادي فيهو يا وراااق افتح الباب ياخ انا زهجتاا بس ما جا فتح لي 😡😡💔 قعدتا في نص السرير وبقيت اتكلم براي قلتا الليله بقتلو كيف يحبسني في الغرفه كده ده جنا ولا شنو ؟ الليله بطين عيشتو 😭😭😭💔 بعد شويه سمعتا صوت باب الغرفه فتح عاينت لقيت وراق واقف ومربع يدينو وبتبسم نزلتا من السرير ومشيت ليهو عايزه اشاكلو وقبل م افتح خشمي قفلو لي وضمماني عليهو....

#يتبع



 #حبيبي_الاسمراني21


بعد شويه سمعتا صوت باب الغرفه فتح عاينتا لقيت وراق واقف ومربع يدينو وبتبسم نزلتا من السرير ومشيت ليهو عايزه اشاكلو وقبل م افتح خشمي قفلو لي وضماني عليهو .. هدييت ع طول وضميتو اكتر بعدها فكاني ومسكني من يدي قال لي تعالي .. طلعتا معاهو فتح النور لقيتو مزيين البيت وعامل حركات وورود في الارض وشموع وبوالين قلتا ليهو وراق 😢 قال لي عيونو ؟! تعالي قعدني في الكنبه طلع كيس كبير مليان شوكلاتاات وحاجات وطلع كيس تاني اكبر فيهو العاب وهدايا قلتا ليهو ده شنو 😭😭 قال لي دي هدايا ل مرتي ول ولدي 😉 قلتا ليهو وراااق انا بحبك 😭😭😭❤ قال لي وانا بموت فيك دقيقه .. طلع طقم ظرريف كده بتاع دهب فيهو خاتمين وسلسل ❤ قلتا ليهو ده كلو ليه ؟! قال لي ولا شي بس شفتك منفسنه وحبيت اغير مزاجك عارفك بتحبي الهدايا والمفاجأت 😉 مسك يدي ولبسني الخواتم وجا يلبسي السلسل في رقبتي .. قرب مني شديييد لدرجة انو وشو بقي في وشي ورفع لي شعري ولبسني السلسل وقبل ما يبعد بوستو وشالني دخلني جوه 🙈🙈❤ وانتو عارفين الحصل جوه شنو 😂😂😂😂😂 (استغفر الله )
تاني يوم صحيت مبسوووووطه مشيت نضفت البيت ورتبتو وطبختا واتحننتا وعملت شعري كعكات لما جا بقي يعاين لي ب استغراب قال لي هو الحمل ده بنفسن بالزول كده ؟ مره رايقه ومره متضايقه ؟! 😏 قلتا ليهو وراق ...!! قال لي حبيبي مبسووط لاني شايفك متغيره ومبسوطه 😍❤ قلتا ليهو يعني ما شديد ... قال لي ليه ؟! قلتا ليهو باقي شهرين لرمضان وشكلنا حنصوم هنا وانا كان نفسي اصوم مع اهلي ياخ😭😭 قال لي معلليييش واوعدك بعد رمضان حنمشي ليهم بإذن الله .. قلتا ليهو يعني حنصوم هنا ؟ قال لي للاسف 💔
فضل شهر لرمضان امي اتصلت لي قالت لي رسلتا ليك حاجات مع صاحب ابوك طيارتو بتصل الساعه 9 ح ارسل ليك رقمو اديهو ل وراق يمشي يستلم منو قلتا ليها تمام .. اتصلتا ل وراق بس ما رد علي لما جا البيت قلتا ليهو اتصلتا ليك ليه ما رديت ؟! قال لي والله ما سمعتا التلفون .. عاينتا ليهو لقيت وشو شاحب وصوتو رايح قلتا ليهو وراق مالك ؟! قال لي والله  مصدع بس مافي حاجه .. انتي اتصلتي عايزه حاجه ؟ قلتا ليهو امي قالت رسلت لينل حاجات رمضان ومفروض نمشي نستلمهم بعدين الساعه 9 .. قال لي تمام بعدين الساعه 9 صحيني هسي تعبانه وجسمي مكسر داخل ارتاح شويه ... قلتا ليهو وراق انتا متأكد انك كويس ؟! قال لي كويس ما تخافي .. دخل نام جيت بعد شويه هبشتا جبهتو لقيتو محموم جبهتا مكمدات عملتها ليهو حسيت ب حرارتو خفت شويه ... زي الساعه 8 كده صحيتو اديتو عصير شربو وقال لي ح امشي المطار استلم الحاجات .. قلتا ليهو لا انتا تعبان ما تمشي انا ح اتصررف !! قال لي لا بقيت كويس طلعي لي غيار بس ح ادخل الحمام !! جبتا ليهو الغيار ودقيت باب الحمام فتحو لي شفتو تعبان وما قادر يقيف ع حيلو قلتا ليهو وراق مالك ؟ قبل يرد لي جا واقع من طولو 😭😭😭 اتهجمتا زاااتي حاولتا اصحيهو م صحي لي ولقيت حرارتو ارتفعت اكتر من قبيل اتصلتا ل مرتضي وانا ببكي قال لي بسم الله مالك ؟! قلتا ليهو م عارفه وراق عيان ووقع م عارفه اعمل شنو 😭😭😭 قال لي طيب انا جااييك .. مرتضي جا رفعو ووديناهة المستشفي الدكتور قال لينا عندو ملاريا وتايفود والتهاب حاد وحاول يقاوم كتيير عشان كده هبط بس مافي شي خطير 😢💔 حالياً اديتو درب وبعد يخلص تقدرو تودوهو البيت .. بعد صحي وخلص الدرب قلتا ليهو انا عارفاك عيان بس ليه م حكيت لي 😭😭 قال لي ما عايز اخوفك علي قعدتا ابكي مسح لي دموعي قال لي انا كويس الببكيك شنو😭😭 سكتتاا ورجعنا البيت مرتضي نزل الصيدليه جاب لينا الادويه وجا فجأة اتذكرتا انو الراجل حيكون منتظر مرتضي في المطار قلتا لمرتضي امي رسلت لينا حاجات بس وراق مرض فجأة والراجل حيكون منتظرنا ف المطار ف لو ما فيها تعب ممكن تمشي تستلم منو ؟! قال لي جدا اديني رقمو واسمو بس
اديتو الرقم قال لي تمام ما بتأخر .. دخلتا لوراق ختيت ليهو اكل بس قال ما عندو نفس اصريت عليهو رفض عملتا ليهو شوربه خضار شربا وجبتا ليهو عصير ومعاهو الحبوب .. قال لي انا ح ابلع ديل كلهم ؟! قلتا ليهو اكيد طبعا يعني ح ابلعهم انا 😒 بلع الاولي وقال ما ببلع الباقي حنستو كدااا حتي بلع باقي الحبوب ونام ❤
بعد مرتضي كده مرتضي جا جاب لينا الحاجات وقال لي لو احتجتو اي حاجه اتصلو لي وطلع مشي ....

#يتبع


اضغط علي التالي لتشاهد الحلقة التالية 

 #حبيبي_الاسمراني22


بعد ساعه كده مرتضي جا جاب لينا الحاجات وقال لي لو احتجتو اي حاجه اتصلو لي وطلع مشي ....
مرت الايام ووراق بقي كويس الحمد لله .. دخلتا في الشهر الخامس وفضل ل رمضان اسبوع 😭😭💔 وراق جهز لي كل حاجه بس كان صعب علي انو اصوم براي ودي اول سنه لي في بيتي اتجرستا شديييد ياخ 😭 اول يوم ف رمضان صمتتااا طبعا وراق اصر علي انو افطر بس رفضتا قاا لي ما حتقدري وبعدين انتي حامل عايني للبيبي وبطلي عناد وما تصوومي ؟.. بس ابيييت قلتا ليهو القضاا حار وانتا بعدين ما حتقضي معاي 😏 قال لي يا زوله ح اكفر ليك 🐸 ف الايام الاولي تعبتا شديد ووراق زاتو تعب معاي ي حليلو 😂😂 بقي يجي من الشغل بدري عشان يساعدني وما اتعب ... في يوم جا لقاني تعبانه ومهبطه وراسي ما قادره ارفعو قال لي انا مش قلتا ليك م تصومي ؟ ياخ لو نفسك ما بتهمك فكري في الولد 😡😡 دخل المطبخ جاب لي عصير حتي صحصحتت شويه 😢💔 قلتا ليهو انتا هسي فطرتني وانا يادوب صمتا 6 ايام ما ح اقدر اقضي 24 يوم كاملييين 😭😭💔 قال لي لما وقت القضا يجي كل شي هييين بس تاني ماف صيام فاهمة ؟ قلتا ليهو طيب خليني اصوم يوم بعد يوم 🌚 قال لي لااااااا 🐸 قلتا ليهو كوووويس 😭💔 بعد اسبوعين من رمضان في يوم خميس كده قال لي عايز اتصل لناس عمتك اعزمهم بكره عندنا رايك شنو ؟! قلتا ليهو فكره ظريفه اتصل طوالي ❤ اتصل ليهم وعزمهم تاني يوم من الصباح نزل جاب لي الحاجات وجا .. بعد فطرتا قعد يساعدني في الطبيخ والعصاير قال لي نجهز من هسي عشان بعدين ترتاحي قبل يجو 😉
ناس عمتي جونا قبل المغرب ب شويه فطرو معانا واتونسنا سألتهم من مهتدي قالو لي عازمنو اصحابو طلع معاهم 😊 بعد مشو وراق لملم معاي الصفره وغسلنا العده ورتبنا وجيت رقدت .. قلتا ليهو كان يوم مرهق ياخ 😭💔 قال لي حالتك فاطره طيب انا الصايم اقول شنو 😏 قلتا ليهو انتا بتعايرني ولا شنو ؟ بعدين انا حامل يعني في روح تانيه جواي م تنسي 😏 قرب مني وختا يدو في بطني وقال لي ما ناسي ومنتظر اليوم ال ح اشوف فيهو الروح التانيه دي بفارق الصبر 😭❤ قلتا ليهو الله يدينا عمر ونشوفو ونفرح بيهو ان شاء الله ❤🔥 قال لي بالمناسبه بطنك بدت تظهر تاني ما تلبسي بجامات لانو مع كرشك دي المنظر فظظظيع 😂😂😂😂 ضربتو في كتفو قلتا ليهو غيااااااظظ مسكني من يدي الضربتو بيهو وجراني عليهو قاال لي بالمناسبه مشتاقين 😉 قلتت ليهو اخجل نحنا في رمضان 😒 قال لي امممممممم عارف بس الليل طويل وباقي لينا قريب 7 ساعات للسحور خلينا ننجز ياخ 😭💔 قلتا ليهو لا مافي طريقه بعدين الدكتوره قالت لي الحاجات دي ممكن تضر البيبي في الشهور الاولي عشان كده لازم نبعد منها 🐸 قال لي انتي جاده ؟ قلتا ليهو انا حصل كذبتا عليك ؟ قاال لي طيب ماشي اها والحكايه دي حتستمر لمتين ؟ قلتا ليهو لحدي م اخلص شهور الحمل واولد واطلع 😂😂😂 قال لي يعني انا ح انتظر الفتره دي كلها وما ح اقرب عليك ؟!!😢 قلتا ليهو ايوه .. قاال لي الله يصبرني غايتو لكن استعجلي اولدي عشان م افتش بره 😒
مسكتو من قميصو قلتا ليهو شنو ؟ تفتش بره ؟ قال لي بضحكه كده ااااي 😂😂😂 زعلتا طوالي واتلفتا منو قال لي انتي زعلتي؟ م رديت ليهو جاني بالاتجاه التاني لقاني ببكي قال لي الله يااااااااخ حقك علي اقسسم بالله بهظزرر معاك انا مستحيل مستححححييل اكون مع وحده غيرك في يوم افهمي ياخ .. قلتا ليهو وراق انا بحبك وبغير عليك من اي حاجه ولو في يوم قلتا كلامك ده تاني انا ح اقتلك 😭💔 حضني وقال لي والله تاني ما اقولو وانا حقك براك اطمني ❤ خلص رمضان وجا يوم العيد من الصباح اتصلو لي اهلي ومسكتا ف االبكا لانو اول عيد لي بدونهم 😭😭😭💔 وراق قدر ما حاول يسكتني م قدر في النهايه قال لي اوعدك انو العيد الكبير تعيدي معاهم بس عليك الله بطلي بكا 😢 قلتا ليهو بالجد ؟ قال لي والله العظيم ❤
بعد شهرين دخلتا في السابع وعيد الضحيه فضل عليه 10 ايام وراق قال لي حنسافر بعد يومين جهزي نفسك وحتولدي هناك كمان 😎❤  فرحتاااا شديد ومششيت جهزتا حاجاتي وبعد يووومين سافرنا السودان ...

#يتبع


 #حبيبي_الاسمراني23


فرحتا شديد ومشيت جهزتا حاجاتي وبعد يوميين سافرناا االسودان ❤😍 كنتا مبسووطه شديد ياخ خصوصا واني بشوف اهلي بعد كم شهر واول مره اغيب عنهم الفتره دي كلها 😭😭😭 عملنا المطار بيت عزاا مع امي 😂😂😂😂 ابوي قال لينا كفايه خلاص الناس كلها بقت تعاين لينا 😒 امي قالت ليهو ما عندنا حاجه ليهم ام وبتسلم علي بتها الوحيده بعد 8 شهور 😢💔 وراق قال لينا طيب خلونا نمشي البيت وكملو سلامكم هناك 😒 مشينا البيت لقيت يوسف قاعد جاني جاري حضني وسلم علي قال لي بطنك بقت كبيره كيف انتي مشيتي بدون بطن 😢💔 خجلتا زاتو اقول ليهو شنو 😂😂😂 امي قالت ليهو بطل اسئله واقعد ساكت .. مشي سلم علي وراق وقعدنا شويه شربنا عصير واتونسنا معاهم امي قالت لينا خشو ارتاحو شويه من تعب السفر .. دخلتا غرفتي بعد غيااااب 8 شهووور يا سلاااام ياخي شعوور حلو ترجع لوطنك وبيتك بعد فتره طووويله 😭❤ رقدتا وملييت السرير 😂😂 وراق جا قال لي يعني انا هسي انا ارقد وين وانتي مالية السرير كده؟ قلتا ليهو لو سمحتا دي غرفتي ولو عايز تنوم جنبي اتكلم ب ذوق عشان اوسع ليك 😏 قال لي لا ي شيييخه طيب انا ماشي انوم في غرفة الضيوف وانتي نومي براك 😂😂 طبعاً عارفني ما ح انوم بدونو لاني اتعودتا انوم في حضنو كل يوم ❤ قلتا ليهو ما تزعل طيب تعال نوم 😒 قال لي لالا اخدي راحتك في (غرفتك) 😏
قمتا علي حيلي وهو طالع من الغرفه حضنتو من ورا قعد يضحك قلتا ليهو مالك ؟😒 اتلفت علي وختا يدينو حواليني وبقي يعاين لي قال لي عارفك م بتقعدي بدوني وما حتعرفي تنومي وانا بعيد منك 😉 قلتا ليهو واثق يلااا 😏 قال لي شدييييد وتعاالي ...قعدني في السرير وقعد هو في الارض وختا راسو في بطني قال لي انتي عارفه انا حاسي بيهو برفس
قلتا ليهو طبيعي يرفس ما خلاص كبر 😒 قال لي يااااا سلاااام متين تولدي واشيلو ياخ 😭😭😭 قلتا ليهو اصبر  كلها شهرين 🌚 امي جات دقت باب الغرفه قام من جنبي سريع سريع 😂😂😂😂😂 فتحتا ليها قالت لي بكره عايزه اعمل ليك كرامة السبعه قلتا ليها كرامة شنو يا امي كمان ؟ قالت لي اجيييي ي بت كرامة السبعه بعملوها للمرا لما تدخل في السابع م عارفه يعني ؟ قلتا ليها ايوااه تمام 💜
تاني يوم امي عزمت جاراتا وقريباتما وعملو لي كرامة السبعه 💜 وراق قال لي ما عارف الحاجات دي كلها لزوما شنو 😒 قلتا ليهو انا زاتي والله شايفه ما ليها اي داعي 😂😂 قلتا لييهو وراق باقي علي العيد 4 ايام وانا طوووولتاا م مششيت االسوووق خلينا نمشي بعدين بالليل 😢 قال لي انتي ما تمشي وريني عايزه شنو وانا بجيبو ليك بس بكرشك دي لااااا .. قلتا ليهو الفكر ه ما انا عايزه شنو انا بس عايزه اطلع واغير جو وصراحه بحب مشية السوق بعدين في حاجات عايزاها للبيبي لازم اجيبا 😢 قال لي انتي مش مشيتي مع مثاني (مرت مجتبي) واشتريتو كل الحاجات اللازمه للبيبي من هناك ( من قطر)😒 قلتا ليهو اشتريتهم وبرضو ماشه السوق حتمشي معاي ولا لا 😡 قال لي طيييب 😒 المسا مشينا سوق امدرمان وسبحان الله لاقيت كل بنات دفعتي هناك وكل دقيقه اقيف اسلم علي وحده وراق زاتو زهج مني قال لي صحباتك كتيرات ياخ 😂😂😂😂 مشينا شوويه كده لاقيت وحدخ صحبتي من ايام الثانوي اسمها علا مجنونه خلاص قالت لي ووواااي ي امنة عرستي متين وقرصتني قلتا ليها قربتا للسنه 😂😂 قالت لي يخسي عليك م عزمتيني بعد شويه انتبهت ل وراق قالت لي لالالالا بس م تقولي لي المز ابو سكسوكه ده راجلك ، واي واي واااي من جواي 😂😂😂 موتتني من الضحك طبعا بعد مشينا وراق قال لي شوفي البنات لسه بتنبرش فيني معناها انا لسه مز وكده 😌
قلتا ليهو ما تفرح ساي علا دي اي شي مذكر بعجبا 😂😂😂 قال لي يعني انا ما مززز ... قلتا ليهو مزز مززازه مافي كلام 😂😂😂 لففتو في السوق كداااا وفي النهايه م اشتريت حاجه قلتا ليهو بطني وجعتني خلينا نرجع البيت .. قال لي بي لهفة اوديك المستشفي ؟ قلتا ليهو انتا جنيت انا يادوب في السابع 😒 قال لي طيييب ارح رجعنا البيت زي الساعه 11 ونمنا طوووالي ...😌

#يتبع

اضغط علي التالي لتشاهد الحلقة التالية 

 #حبيبي_الاسمراني24


يوم العيد الصباح صحاني وراق عيد علي ودخل الحمام قال لي طلعي لي جلابيه وعمه ع بال م استحم .  دخل الحمام وطلع لقاني لسه نايمه قال لي وينا الجلابيه 😒 قمتا ب كسل فتحتا الدولاب قلتا ليهو الجلابيه ف الرف الفوق ما قادره احصلا .. قال لي ده عيب الناس القصار 😂😂😂 قلتا ليهو طيب ي طويل نزلا براك 😒 جا وقف وراي عايز ينزلا قال لي استغفر الله زحي من قدامي انا عايز امشي الصلاه 😂😂 قلتا ليهو انتا اصلا قليل ادب ومتسبل .. قعد يضحك شال الجلابيه لبسا ولبس الطاقيه ولفا الشال وووووووووااااااااي حاجه كده في منتهي الفظااااعه 😢 جاب عطرو واتعطر وانا واقفه بعاين ليهو وبتبسم جا حضني قال لي عيدي الجاي ان شاء الله معاك وكل الاعياد الجايه ي رب ❤❤ قلتا ليهو اميييين بس اتحصن عشان م يسحروم لي 🙈 قال لي حاااضر يلا البسي توبك نطلع نعيد علي ناس امك .. لبستا طرحتي بس وطلعتا عيدتا علي امي وابوي 🙈🙈 وراق ويوسف ابوي طلعو الصلاه وانا دخلتا استحميت وسرحتا واتمكيجتا وطلعتا قعدتا مع امي .. بعد ناس ابوي جو ضبحنا وفطررناا واول يوم انتهي ... تاني يوم في العيد وراق قال عارف انو ظرفك م مناسب وده ما وقتو بس لازم نسافر لاهلي في الشماليه لانو تاني ما حننزل السودان قريب بعدين من زمن العرس تاني ما اتلاقينا زياده علي كده عندي عرس ود خالي يوم السابعه اها نسافر ليهم ولا رايك شنو ؟ قلتا ليهو اكيد طبعا بعدين انا معاك محل م تمشي والله لا فرقني منك 💜 قال لي خير طيب نسافر بعد بكره مناسب معاك ؟ قلتا ليهو حلو معاي قال لي طيب جهزي نفسك 😌
بعد يومين سافررناا الشماليه .. استقبلوونا اهلو بالجد طيبين شديييد وحباابين 💜 قعدتا اتونس معاهم وعرفني علي خالاتو واولاد خالاتو وبنات خيلانو كانوو ظريفين شدديد .. جهزو لينا غرفه بعد مشينا غرفتنا قلتا ل وراق اهلك طيبين شديد وظريفين بس ليه انتا ما متواصل معاهم ع طول ؟! اتنهد وقال لي كان في مشاكل علي طوول بينهم وبين اهل ابوي وبسبب المشاكل دي ابووي مرض واتوفي في عمر صغير وربتني امي وبعدها اتوفت والمشاكل بينهم ما وقفت الا بعد امي وابووي ماتو عشان كده انا قطعتا علاقتي بيهم وما رجعتا ليهم الا لما اتزوجنا ولو ما اصرو يعملو لي عرس هنا ما كنتا طريتهم ابدا بس في النهايه الدم ما ببقي مويه والحصل حصل وديل اهلي وانا بعد فتره حيكون عندي ولد وما عايزو يجي الدنيا يلقاني انا وانتي وبس لا عايزو يلقي اهلي واهلك ويكون عندو عزوه وقبيله 💜 قلتا ليهو كلامك صح انتا بالجد طيب الله يخليك لينا يارب 💜 باس راسي وقال لي الله يخليك لي انتي دي ❤ قلتا ليهو يلا ننوم لاني تعبانه شديد 😢 قال لي ما تنومي لانو هسي حيجببو لينا العشا وحتصحي تاني 😂😂 قبل ما يتم كلامو جات بت خالو جابت لينا العشا 💜 اتعشينا ونومنااا .. تاني يوم لفلف بي ل اهلوو كلهم قلتا ليهو وراق كفايه انا تاني ما قادره امشي اي حته رجعني البيت ..😢 بعد رجعنا البيت قلتا ليهو وراق رجليني واجعني وبعدين شوف اتورمو كيف 😭 قال لي دقيقه مشي جاب حوض صغير فيهو مويه دافيه وملح وقعد يغسل لي فيهم ..بعد خلص نشفهم لي ورفعهم ف السرير قلتا ليهو عارف ي وراق انتا نعمه من ربنا وجاتني وانا لو قعدتا اشكر ربنا عمري كلو عمري ما ح اقدر اشكرو ع نعمتو دي 😭❤ انا بحبك ياخ الله يديمك لي نعمه ويحفظها من الزوال 💜
قال لي انتي النعمه الله يخليك لي يارب 💜
تاني يوم الصباح جات بت خالو قالت لي الليله حنة علي اخوووي وراق وينو اكلمو لانو فاكرا بكره 😂 قلتا ليها وراق طلع شوفيهو بره .. عايزه تطلع وراق جا داخل قال ليها اي هسي كلمني خالي بره قالت ليهوو تمام ... المسا قبل الحنه تبدا بديت اتمكيج واتظبط لبستاا واتمزمزتا وطلعتا لاقيت وراق في وشي قال لي بسحرووك ياخ 😉 قلتا ليهو مش انتا بتحصني ؟ ماف زول حيسحرني .. ماشه معاهو كده وبنتونس فجأة اتزلقت عايزه اقع بس وراق مسكني .... قال لي الله ياخخ ما عارف الكشح المويه هنا منو بس ببالغو ياخ هسي لو وقعتي وانتي حامل بعدين ؟ جات بت خالتو قالت ليهو مالك ي وراق ؟ قال ليها معقوول لكن تكشحو المويه في السراميك عايزين تكسرو لي مرتي 😒😒 قالت ليهو هههههههه معليش ح انادي البت هسي تنضفا 😂😂😂😂 طلعنا الحفله مسك يدي الناس كلها بقت تكشف لينا قال لي طبعاً اهلي ديل ما بحبو الكلام ده لكن انا م عندي ليهم حاجه لأنو انتي مرتي قدام امة محمد دي كلها 😌❤ قلتا ليهو احم عيد الكلمة دي تاني 😌❤ قال لي ما بعيد بس تعالي اقعدك واوعك تفكري ترقصي قلتا ليهو مستحيل طبعاً ب كرشي دي مافي طريقه 😂😂
حضرنا الحنه والعرس وقعدتا معاهم اسبوعين كده وراق قال لي خلاص بعد ده نرجع لاهلك لانو دخلتي في التامن وانا م ناقص اكشنات هنا قلتا ليهو هههههههههه تمام ... 😂😂

#يتبع

#حبيبي_الاسمراني25


بعد يوومين كده رجعنااا الخرطوم ..
قعدنا شهر كده وتاني دخلتااا في التاسع 😭😭 وراق يومي بسألني ما حاسه نفسك عايزه تولدي 😂😂 بقول ليهو لاااا زهجني قلتا ليهو وراق لما احس اني عايزه اولد اكيد م ح اسكت فما تعيد لي السؤال ده كل يوم 😏 قال لي اعمل شنو ما قادر اصبر اكتر من كده عايز اشوف ولدي 😢

في يوم قاعدين في الجنينه انا ويوسف ووراق وابوي في الشغل وامي طلعت .. بنتونس كده فجأة حسيت بطني واجعاني .. قلتا ل وراق انا شكلي ح اولد 😭 قال لي بضحكه اوولدي ياخ ياااريت 😭 قلتا ليهو وراق انا ما بهظر انا فعلاً بوولد واديتو شلوت ب رجلي رميتو من الكرسي 😂😂😂 قام علي حيلو اتنفض قال لي انتي جااده ؟! قلتا ليهو بصوت عالي وراق بطل استهبال وديني المستشفي جيب لي امي 😭😭 بقيت ابكي واصرخ وبعدها ما حسيت بحاجه الا صحيت لقيت نفسي في المستشفي .. اول م فتحتا عيوني شفتا وراق شايل ولدو وبأذن ليهو ووببكي 😭❤ قلتا ليهو وراق !! جا قرب مني وباس راسي قال لي ي عيون وراق وقلبو الف حمدلله ع سلامتك 💜 قلتا ليهو الله يسلمك عايزه اشوف الولد قربو لي .. جات امي داخله قالت لي حمدلله ع السلامه قلتا ليها تسلمي ي امي ❤ بس ادوني ولدي اشوفو 😢❤ وراق قربو مني بوستو وقعدتا ابكي قلتا ل امي تعالي شوفي يامن 😭😭😭 امي شالتو حضنتو وقعدت تبكي ابوي جا قال ل وراق اها حتسموهو منو عشان نطلع شهادة الميلاد وكده ؟! وراق قال لي حنسميهو يامن ❤
تاني يوم طلعتا البيت وبعد اسبوع عملنا السمايه .. لما يامن عمل شهرين وراق قال لي بعد ده لازم نسافر لانو اجازتي خلصت واخدتا شهر زياده عشان تطلعي واسوقكم معاي قلتا ليهو تمام ❤
جهزنا امورنا ورجعنا قطر 💜

بعد تلاته سنوات وفي يوم قاعدين انا ويامن بنفطر بعد خلصنا فطور لميت الاكل وقعدت اغسل ف العده بس حسيت راسي لافي ..قعدتا شويه جاتني حمي اتصلتا ل مثاني مرت مجتبي حكيت ليها قالت لي بكون ده حمل يختي انزلي الصيدليه جيبي شريط افحصي ولا اغشيني امشي معاك الدكتور 😂 قلتا ليها لالا مافي داعي لدكتور ح انزل الصيدليه .. نزلت جبت الشريط وجيت دخلت الحمام فحصت لقيت نفسي حامل فرحتا شديد 😂😂😂😂 اتصلتا ل مثاني قلتا ليها النتيجه positive 😭❤❤❤ قالت لي الف مبروك ياخ يتربي في عزكم قلتا ليها اميييين يلا اقطعي وشك ابشر وراق 😎❤ اتصلتا ليهو م رد قلتا خلاص انتظرو لمن يجي .. فجاة جاتني فكره قلتا انفذا .. لبستا يامن ونزلنا المول اشتريت شموع وورود وتورته وبوالين قلتا ح افاجئو زي ما قاعد يفاجئني 😌❤ بديت اجهز وهو لسه ما جا قلتا ان شاء الله يتأخر عشان القي زمن اخلص وفعلاً اتاخر وفضلتا اجهز والساعدني اكتر انو يامن نام لانو لو صاحي حيخرب الدنيا 😂😂 بعد خلصتا دخلتا جوه استحميت ولبستا لي فستان منقاوي قصير مع اللون داك يسو كدي واتعطرتا واتمكيجتا وفكيت شعري وجيت طالعه لقيت ليكك يامن ماسك البوالين وحده وحده وبطرشق فيهم 😳😳🔥😭😭😭😭😭😭😭💔 قربتا اموت من الزعل قلتا ليهو يامن ليه عملتا كده 😒 قال لي كده حلوين ما بحبهم منفخين 🐸 قلتا ليهو هو القال ليك منو حبهم زاتو😒 عليكم الله ي جماعه الشافع ده م حاسد ؟
معقول انا اجهز واظبط وهو يجي يخرب ؟ مسكتو قلتا ليهو يربو فيكم وتربو في عمايلكم 😂😂 احترتا اعمل شنو خليتو فوق ونزلتا السوبر ماركت التحت لينا جبتا بوالين سريع سريع وجيت .. لميت الخربهم يامن ورميتهم في السله ودخلتو غرفتو اديتو تلفوني يلعب بيهو وجيت نفختهم تاني وانتظرت وراق 😢💔 بعد المغرب كده وراق جا داخل وانا قاعده ف الصاله منتظراهو 🙈🙈❤ قال بسم الله البيت مضلم ليه الحاصل شنو ؟ عايز يفتح النور جيت مسكتو من يدو وفتحتا النور لمن نطا 😂😂 قال لي في شنو وده شنو والحاصل شنو 😂😂😂😂😂 جريتو من يدو وختيت يديني ف كتفو وقربتا منو قلتا ليهو عندي ليك خبر بمليون جنيه 😌😌 قال لي بشررري ...😍❤ قلتا ليهو انا حاااامل ❤😭😭 قال لي احلفي بس وشالني قعد يلف بي قلتا ليهو نزلني ي مجنون بعد شويه نزلني وقعدنا ف الكنبه قال لي من متين ؟ قلتا ليهو ما عارفه يادوب فحصتا 😢 قال لي شوفي من هسي لو حتتوحمي نفس وحمك بتاع المره الفاتت امشي لامك من بكره انا ما بقدر عليك تاني 😒 جريتو علي وقلتا ليهو يعني يهون عليك اغيب عنك كم شهر ما حاشتاق لي😢 قال لي والله انا يوم واحد بدونك ما بقدر اقعدو بس خفي علي المره دي لانو وحمك كعب وانا ما قدرك 😂😂😂حضني عليهو وقال لي اخيرا امنيتي اتحققت وبقيتي م اولادي الحمد لله يارب😭❤
عارفه ي امونه قدر ما احاول اوصف ليك سعادتي برضو ما ح اقدر .. انا يا امونه بعد امي اتوفت فقدتا كل حاجه .. فقدتا معني الاسره والحب والسند .. فجأة جيتي انتي ورجعتي لي كل حاجه .. جبتي يامن وهسي حامل ب اخوهو 😭❤ انا بالجد مبسوط شديد ❤  يامن جا طالع قال لي ماما تلفونك قفل ..
قلتا ليهو قفل من العليهو عاد انتا بتلعب بيهو ليك كم ساعه 😂😂😂 يامن قال لي يعني وزعتيهو بالتلفوون 😉 قلتا ليهو اااااي .. قال لي هههههه مفتحه 😉 قال ل يامن تعال يامن جا ختاهو في نصناا وضمانا عليهو وقال لي الله يخليكم لي قلتا ليهو ويخليك لينا يارب❤

#النهاية
ما تتزوجو ساااي هبتلي ي جمااعه حبو واتزوجو اقسم بالله الحب ده احلي حاجه في الدنيا وربنا يرزقني ويرزقكم الحب الحلال 💜

واعتذارات اعتذارات اعتذارات كتارات خلاص علي كمية النفسنه والجهجهة والزعزعه العملتها ليكم بسبب الروايه بس ده حال السنجل ي بنات امي وانا زاتي مججهجة زيكم وقاعده علي الهبشه 😂😂

#حاجه_كده

شكراً لاي وحده بتقرا لي بحبكم كلكم ❤ وشكراً ع الدعم والتشجيع البتقدموهو لي والبخليني اواصل واستمر ف الكتابه كل الحب ليكم 💜
ما تكتفو ب اللايك بسس وادوني رايكم ف الروايه ف كومنت واقعدو عافيه ❤
#كسره
تاني ما ح اكتب قريب لانو ح انزل جامعه وكده بس ان شاءالله نتلااقي رمضاان الجاي ❤

#باااايات 💋💋

لا يوجد تعليقات

أضف تعليق